Bel   ·  Eng  ·  Rus  |    Толькі тэкст  |   НАНБ в Facebook НАНБ в Vkontakte НАНБ в Twitter НАНБ в Instagram НАНБ в Youtube НАНБ в LinkedIn НАНБ в SlideShare rss-лента новостей Написать письмо 
   
Афiцыйны iнтэрнет-партал Прэзiдэнта Рэспублiкi Беларусь
Афiцыйны iнтэрнет-сайт Савета Міністраў Рэспублікі Беларусь
Акадэмія кіравання пры Прэзідэнце Рэспублікі Беларусь
Інтэрнет-партал Моладзь Беларусі
Газета Навука
Часопіс Навука і інавацыі

Навіны

Галоўная старонка / Навіны / Архіў навін

RSS

28.03.2016

Часопіс «Навука і інавацыі» НАН Беларусі запрашае на сустрэчу з адным з вядучых расійскіх спецыялістаў у галіне чыстых памяшканняў і правілаў GMP

Часопіс «Навука і інавацыі» НАН Беларусі пры падтрымцы Цэнтральнай навуковай бібліятэкі імя Якуба Коласа НАН Беларусі праводзіць сустрэчу з адным з вядучых расійскіх спецыялістаў у галіне чыстых памяшканняў і правілаў GMP * Аляксандрам Яўгенавічам Фядотавым. У рамках мерапрыемства будуць прачытаны лекцыі: "Чыстыя памяшканні ў сучасным свеце" і "Правілы GMP: сутнасць і рэалізацыя".

25.03.2016

Пачаты прыём заявак на ўдзел у Міжнароднай навуковай канферэнцыі «Праблемы рацыянальнага выкарыстання прыродных рэсурсаў і ўстойлівае развіццё Палесся»

Інстытут прыродакарыстання НАН Беларусі пачаў прыём заявак на ўдзел у Міжнароднай навуковай канферэнцыі «Праблемы рацыянальнага выкарыстання прыродных рэсурсаў і ўстойлівае развіццё Палесся», якая пройдзе з 14 па 17 верасня 2016 года ў горадзе Мінску. Канферэнцыя арганізавана сумесна Нацыянальнымі акадэміямі навук Беларусі, Расіі, Польшчы і Украіны. Працоўныя пытанні па арганізацыі канферэнцыі бярэ на сябе Інстытут прыродакарыстання НАН Беларусі.
Мэта канферэнцыі - абагульненне міжнароднага вопыту выкарыстання прыродных рэсурсаў Палесся і захавання ўнікальных палескіх ландшафтаў, выбар навукова-тэхнічных прыярытэтаў у галіне прыродакарыстання для забеспячэння ўстойлівага сацыяльна-эканамічнага развіцця трансгранічнага Палескага рэгіёну.

25.03.2016

Вынікі візіту дэлегацыі НАН Беларусі ў Польскую акадэмію навук

З 21 па 23 сакавіка 2016 года па запрашэнні кіраўніцтва Польскай акадэміі навук у Варшаве знаходзілася дэлегацыя Нацыянальнай акадэміі навук Беларусі на чале са Старшынёй Прэзідыума акадэмікам Уладзімірам Гусаковым. Мэтай візіту з’яўлялася азнаямленне з распрацоўкамі навуковых арганізацый ПАН, арганізацыя перагавораў аб перспектыўных галінах і механізмах пашырэння беларуска-польскага навукова-тэхнічнага супрацоўніцтва, а таксама правядзенне канферэнцыі «Польска-беларускае навукова-даследчае супрацоўніцтва ў галіне гуманітарных навук». Па выніках візіту падпісаны адпаведны пратакол.

24.03.2016

У Інстытуце цепла- і масаабмену імя А.В.Лыкава НАН Беларусі адбылося выязное прэс-мерапрыемства, прысвечанае Саюзным праграмам

24 сакавіка 2016 года НАН Беларусі і Нацыянальны Прэс-цэнтр Рэспублікі Беларусь правялі выязное прэс-мерапрыемства на тэму «Вынікі рэалізацыі праграмы Саюзнай дзяржавы “Нанатэхналогіі – СД”. Старт новай праграмы Саюзнай дзяржавы “Тэхналогія – СД”. Мерапрыемства прайшло на базе Інстытута цепла- і масаабмену імя А.В. Лыкава НАН Беларусі (ІЦМА). Перад прадстаўнікамі сродкаў масавай інфармацыі па дадзенай праблематыцы выступілі: Алег Пенязькоў - дырэктар ІЦМА, Валянцін Асташынскі - намеснік дырэктара па навуковай рабоце і інавацыйнай дзейнасці і Зінаіда Пархомова - загадчык аддзела навуковага суправаджэння навукова-тэхнічных праграм ІЦМА, выканаўчы дырэктар абедзвюх праграм.

23.03.2016

25 сакавіка ў НАН Беларусі пройдзе навукова-практычны семінар для актыву РГА «Белая Русь»

25 сакавіка 2016 года Рэспубліканскае грамадскае аб’яднанне «Белая Русь», Аддзяленне гуманітарных навук і мастацтваў НАН Беларусі, Інстытут філасофіі НАН Беларусі праводзяць навукова-практычны семінар для актыву РГА «Белая Русь» па тэме «Беларусь у кантэксце глабальных тэндэнцый сацыяльна-палітычнага развіцця». У мерапрыемстве прымуць удзел прадстаўнікі акадэмічнай і вузаўскай навукі Беларусі, вядомыя вучоныя, філосафы, грамадскія дзеячы краіны, актывісты РГА "Белая Русь".

22.03.2016

Дэлегацыя НАН Беларусі прыме ўдзел у беларуска-польскай канферэнцыі ў Варшаве

З 21 па 23 сакавіка 2016 года паводле запрашэння кіраўніцтва Польскай акадэміі навук у г. Варшаве знаходзіцца дэлегацыя Нацыянальнай акадэміі навук Беларусі на чале са Старшынёй Прэзідыума акадэмікам Уладзімірам Гусаковым. Мэта візіту - правядзенне перагавораў аб перспектыўных напрамках і механізмах пашырэння беларуска-польскага навукова-тэхнічнага супрацоўніцтва, а таксама ўдзел 22 сакавіка 2016 года ў рабоце міжнароднай канферэнцыі «Польска-беларускае навукова-даследчае супрацоўніцтва ў галіне гуманітарных навук». У складзе дэлегацыі НАН Беларусі - кіраўніцтва Аддзялення гуманітарных навук і мастацтваў, кіраўнікі навуковых арганізацый, вядомыя навукоўцы - гуманітарыі.

21.03.2016

У Інстытуце генетыкі і цыталогіі НАН Беларусі адбудзецца навукова-практычны семінар Генетычная дыягностыка - неабходны этап персанальнай і прэвентыўнай медыцыны

24 сакавіка 2016 г. (чацвер) у 10.00 у Інстытуце генетыкі і цыталогіі НАН Беларусі (г. Мінск, вул. Акадэмічная, 27) адбудзецца навукова-практычны семінар «Генетычная дыягностыка - неабходны этап персанальнай і прэвентыўнай медыцыны». Семінар арганізаваны ДНУ «Інстытут генетыкі і цыталогіі НАН Беларусі» сумесна з ДУА «Беларуская медыцынская акадэмія паслядыпломнай адукацыі». У якасці дакладчыкаў на семінары выступяць супрацоўнікі інстытута і шэрагу медыцынскіх устаноў, у тым ліку спецыялісты ДУА «БелМАПА». Плануецца, што ў працы семінара прымуць удзел больш за 100 вучоных, спецыялістаў устаноў медыцынскага і біялагічнага профіляў, практыкуючыя ўрачы, а таксама выкладчыкі і студэнты профільных ВНУ.

18.03.2016

У НАН Беларусі прайшоў семінар па выкарыстанні сістэмы Антыплагіят у навуковым працэсе

У НАН Беларусі прайшоў семінар “Выкарыстанне сістэмы «Антыплагіят» у навуковым працэсе”, прысвечаны практычным пытанням вызначэння ступені арыгінальнасці навуковых і навучальных работ і захаванні аўтарскіх правоў. На мерапрыемстве былі прадэманстраваны магчымасці новай версіі сістэмы тэкставага запазычання «Антыплагіят»: інавацыйныя метады апрацоўкі тэкстаў і пошуку плагіяту, комплексны функцыянал для карыстальнікаў, зручныя і інфарматыўныя формы прадстаўлення справаздач і захоўвання дакументаў, новыя магчымасці пошуку па калекцыях дакументаў, якія налічваюць больш за 130 млн. крыніц.

17.03.2016

Вучоныя-генетыкі правялі прэс-канферэнцыю на тэму “Генна-мадыфікаваныя арганізмы (ГМА) для сельскай гаспадаркі. Выкідванне ГМА ў навакольнае асяроддзе“

17 сакавіка 2016 года ў Нацыянальным Прэс-цэнтры Рэспублікі Беларусь адбылася прэс-канферэнцыя на тэму “Генна-мадыфікаваныя арганізмы (ГМА) для сельскай гаспадаркі. Выкідванне ГМА ў навакольнае асяроддзе”.
У мерапрыемстве прынялі ўдзел: Валянціна Лемеш - дырэктар ДНУ «Інстытут генетыкі і цыталогіі НАН Беларусі», Алена Гузенка - намеснік дырэктара па навукова-інавацыйнай рабоце ДНУ “Інстытут генетыкі і цыталогіі НАН Беларусі” і Галіна Мазгова - кіраўнік Нацыянальнага каардынацыйнага цэнтра біябяспекі.

17.03.2016

Аб’яўлены конкурс на лепшае прадстаўленне навуковых дасягненняў 2016 года ў сродках масавай інфармацыі

З мэтай фарміравання цэласнага пазітыўнага вобраза навукі, павышэння яе аўтарытэту, прыцягнення ўвагі шырокіх слаёў грамадскасці да дасягненняў беларускіх вучоных, прадстаўлення актуальнай інфармацыі аб распрацоўках, якія праводзяцца з мэтай сацыяльна-эканамічнага развіцця краіны, стымулявання творчай і прафесійнай актыўнасці, як журналістаў, так і непрафесійных папулярызатараў навукі Нацыянальная акадэмія навук Беларусі аб’явіла конкурс 2016 года з уручэннем дыпломаў і грашовых прэмій фізічным асобам. Конкурс будзе праводзіцца па чатырох намінацыях: лепшая публікацыя, лепшы сюжэт (праграма) на радыё і тэлебачанні, лепшая публікацыя ў навукова-папулярным выданні, лепшае прадстаўленне дасягненняў Нацыянальнай акадэміі навук Беларусі ў сетцы інтэрнэт. Па кожнай з намінацый прысуджаецца тры прэміі. Вылучэнне кандыдатур на конкурс ажыццяўляецца ў парадку і ў тэрміны, устаноўленыя Палажэннем аб конкурсе на лепшае прадстаўленне навуковых дасягненняў у сродках масавай інфармацыі. З Палажэннем аб конкурсе азнаёміцца тут.

15.03.2016

Адбылася прэс-канферэнцыя: Распрацоўка і ўкараненне ў вытворчасці навуковых распрацовак беларускіх вучоных

У Прэс-цэнтры Дома прэсы адбылася прэс-канферэнцыя на тэму: “Распрацоўка і ўкараненне ў вытворчасці навуковых распрацовак беларускіх вучоных”. У мерапрыемстве прынялі ўдзел: кіраўнік апарата НАН Беларусі Віцязь П.А., дырэктар Інстытута цепла- і масаабмену Пенязькоў А.Г., намеснік генеральнага дырэктара ДНВА парашковай металургіі НАН Беларусі Пяцюшык Я.Я., намеснік дырэктара РУП “Навукова-вытворчы цэнтр шматфункцыянальных беспілотных комплексаў” НАН Беларусі Шчаўлеў А.А.

15.03.2016

НАН Беларусі пачаты работы па арганізацыі ўдзелу ў мерапрыемствах Беларускага прамысловага форуму

НАН Беларусі пачаты работы па арганізацыі ўдзелу ў мерапрыемствах Беларускага прамысловага форуму (3-6 мая 2016, г. Мінск, пр. Пераможцаў 20/2): выстава “Навука і інавацыі”, міжнародны конкурс энергаэфектыўных і рэсурсазберагальных тэхналогій і абсталявання, кааперацыйная біржа “Навука і прамысловасць - стратэгія інавацыйнага супрацоўніцтва”.
Беларускі прамысловы форум праводзіцца пад патранажам Урада Рэспублікі Беларусь і з’яўляецца маштабным Міжнародным выставачным праектам. Мэта форуму - садзейнічанне прадпрыемствам і арганізацыям Рэспублікі Беларусь у вырашэнні задач па пашырэнні выпуску высокатэхналагічнай канкурэнтаздольнай прадукцыі для рэалізацыі на ўнутраным і знешнім рынках, укараненню новых навукаёмістых тэхналогій і абсталявання, развіццю міжнароднай кааперацыі, прыцягненню інвестыцый у прамысловасць рэспублікі.

14.03.2016

Акадэміка-сакратара Аддзялення гуманітарных навук і мастацтваў А.А. Каваленю ўзнагародзілі Залатым медалём НАН Беларусі

За значны ўклад у даследаванне найноўшай гісторыі Беларусі, захаванне і папулярызацыю гісторыка-культурнай спадчыны, плённую шматгадовую навукова-арганізацыйную дзейнасць і ў сувязі з 70-годдзем з дня нараджэння Прэзідыум НАН Беларусі ўзнагародзіў акадэміка-сакратара Аддзялення гуманітарных навук і мастацтваў, доктара гістарычных навук, прафесара, члена-карэспандэнта Аляксандра Аляксандравіча Каваленю вышэйшай узнагародай Нацыянальнай акадэміі навук Беларусі - нагрудным знакам “Залаты медаль Нацыянальнай акадэміі навук Беларусі ”За вялікі ўклад у развіццё навукі”, занесеным у Дзяржаўны геральдычны рэгістр Рэспублікі Беларусь.

11.03.2016

НАН Беларусі запрашае на семінар "Ад навукі да бізнес-інавацый"

15 сакавіка 2016 г. у 14:00 у НАН Беларусі (Мінск, пр. Незалежнасці, 66, п. 216) адбудзецца навукова-практычны семінар “Ад навукі да бізнес-інавацый: як стаць прадпрымальным даследчыкам?”
Семінар накіраваны на наладжванне супрацоўніцтва паміж маладымі вучонымі і бізнес-супольнасцю. На семінары абмяркуюць праблемы камерцыялізацыі навуковых распрацовак, аспекты спажывецкага попыту на інавацыйныя прадукты, развіццё навукаёмістага бізнесу і прадпрымальніцтва.
Да ўдзелу ў семінары запрашаюцца маладыя даследчыкі, аспіранты, магістранты, навуковыя супрацоўнікі НАН Беларусі.

11.03.2016

Адбылася нарада кіраўнікоў і прадстаўнікоў НАН Беларусі і Мінпрыроды

11 сакавіка 2016 года ў НАН Беларусі адбылася сумесная нарада кіраўнікоў і прадстаўнікоў Нацыянальнай акадэміі навук Беларусі і Міністэрства прыродных рэсурсаў і аховы навакольнага асяроддзя Рэспублікі Беларусь. У мерапрыемстве прынялі ўдзел Старшыня Прэзідыума НАН Беларусі Уладзімір Гусакоў і міністр прыродных рэсурсаў і аховы навакольнага асяроддзя Рэспублікі Беларусь Андрэй Каўхута.
На нарадзе былі разгледжаны вынікі навуковых даследаванняў (фундаментальных і прыкладных), прымяненне іх на практыцы, перспектыўныя напрамкі супрацоўніцтва арганізацый НАН Беларусі і Мінпрыроды. Спецыялісты абмеркавалі пытанні вядзення работ па маніторынгу навакольнага асяроддзя, уключаючы геафізічны, вядзенне кадастраў расліннага і жывёльнага свету. У цэнтры ўвагі ўдзельнікаў нарады былі таксама пытанні вырашэння праблем дэградацыі і апустыньвання зямель, а таксама даследаванняў у Антарктыцы.

05.03.2016

Кіраўніцтва Прэзідыума НАН Беларусі павіншавала жанчын з 8 Сакавіка

Кіраўніцтва Прэзідыума НАН Беларусі павіншавала жанчын, якія працуюць у Прэзідыуме са святам 8 Сакавіка. Звяртаючыся да прысутных жанчын, Старшыня Прэзідыума НАН Беларусі У.Р. Гусакоў адзначыў, што вялікая нагрузка, бясконцыя заданні, напружаная праца ў складзе Прэзідыума кладзецца на жаночыя плечы. І жанчыны годна спраўляюцца з усімі заданнямі. Таксама Гусакоў падкрэсліў, што жанчыны валодаюць цэлым шэрагам якасцей, якія праяўляюцца лепш, чым у мужчын: «жанчыны больш вынослівыя, больш прыстасаваныя, больш камунікабельныя і лепш разумеюць - гэта даказана вучонымі і праверана практыкай. Хацелася б, каб больш жанчын станавіліся акадэмікамі, абаранялі доктарскія і кандыдацкія дысертацыі, узначальвалі навуковыя інстытуты і лабараторыі».

05.03.2016

У Цэнтральнай навуковай бібліятэцы НАН Беларусі прэзентуюць унікальны Канкарданс беларускай мовы XIX стагоддзя

10 сакавіка ў 15:00 у Цэнтральнай навуковай бібліятэцы імя Якуба Коласа НАН Беларусі (Мінск, вул. Сурганава, 15, першы паверх, п. 110) адбудзецца прэзентацыя электроннага выдання “Канкарданс беларускай мовы ХІХ стагоддзя”.

Канкарданс – унікальны лексікаграфічны даведнік, які пабачыў свет у выдавецтве “Беларуская навука”. Аўтар праекта – навуковы супрацоўнік аддзела славянскага і тэарэтычнага мовазнаўства Інстытута мовазнаўства імя Якуба Коласа Н.М. Сянкевіч.

Канкарданс беларускай мовы ХІХ ст. – першы ў айчыннай лінгвістыцы фундаментальны праект такога тыпу. Гэта комплекс слоўнікаў, складзеных на аснове корпуса тэкстаў, заснаванага на ўсіх творах мастацкай літаратуры ХІХ ст. Усе тэксты змяшчаюцца ў максімальна набліжаным да арыгіналу выглядзе. У склад канкарданса ўвайшлі ўласна канкарданс, у якім кожнае словаўжыванне ў тэксце суправаджаецца тэкставай ілюстрацыяй і звесткамі пра яго частотнасць і месцазнаходжанне, 6 частотных слоўнікаў, паказальнік слоў і адваротны слоўнік. Спісы змешчаных у канкардансе тэкстаў уяўляюць сабой сістэматызаваны бібліяграфічны паказальнік беларускамоўнай мастацкай літаратуры гэтага перыяду.

04.03.2016

Віншаванне Старшыні Прэзідыума НАН Беларусі У.Р. Гусакова з Днём жанчын

Мілыя жанчыны!
Дарагія калегі!
Ад імя Прэзідыума Нацыянальнай акадэміі навук Беларусі і ад сябе асабіста віншую Вас з цудоўным вясеннім святам! Днём жанчын!
У гэты дзень у нас, мужчын, ёсць асаблівая нагода сказаць Вам словы шчырай удзячнасці за ваш талент і навуковую захопленасць, абаяльнасць і імкненне да прыгожага, а таксама за бясспрэчны ўклад у беларускую навуку.
Ваш прафесіяналізм, творчы падыход да працы і ініцыятыва адыгрываюць выключна важную ролю ў жыцці Акадэміі навук. Вы паспяхова ўдзельнічаеце ў фундаментальных даследаваннях у галіне матэматыкі і фізікі, хіміі і біялогіі, генетыкі і медыцыны, аграрных і гуманітарных навук. Ваш талент, прыгажосць і прывабнасць у спалучэнні з уменнем захоплена працаваць, узначальваючы інстытуты і лабараторыі, паспяхова спраўляцца з хатнімі клопатамі пакараюць нас, мужчын, і заслугоўваюць захаплення!

02.03.2016

3 сакавіка пачне працу канферэнцыя "Беларуская літаратура ў культурнай прасторы сучаснага грамадства", прысвечаная 120-годдзю з дня нараджэння народнага пісьменніка Беларусі Кандрата Крапівы

3-4 сакавіка 2016 года ў філіяле “Інстытут літаратуразнаўства імя Янкі Купалы”Цэнтра даследаванняў беларускай культуры, мовы і літаратуры НАН Беларусі (г. Мінск, вул. Сурганава, 1, корп. 2, 3-ці паверх, пак. 302) адбудзецца Міжнародная навуковая канферэнцыя “Беларуская літаратура ў культурнай прасторы сучаснага грамадства”, прысвечаная 120-годдзю з дня нараджэння народнага пісьменніка Беларусі Кандрата Крапівы. У форуме прымуць удзел вядомыя вучоныя, пісьменнікі, даследчыкі творчасці Кандрата Крапівы. Плануецца абмеркаванне такіх праблем, як: Кандрат Крапіва і актуальныя праблемы мовазнаўства, навуковая і грамадская дзейнасць акадэміка К.К. Атраховіча (Кандрата Крапівы) і яго атачэнне; творчасць Кандрата Крапівы ў сучаснай інфармацыйнай прасторы (культуралагічны, гістарычны, сацыялагічны, філасофскі, псіхалагічны, педагагічны і дыдактычна-метадычны аспекты); праблема пісьменніцкага майстэрства ў творах сучасных аўтараў; беларуская літаратурная класіка ў новым прачытанні; Вялікая Айчынная вайна ў жыцці і творчасці пісьменнікаў; Кандрат Крапіва і жанрава-стылёвыя пошукі беларускай літаратуры ХХ і ХХІ стагоддзя.

02.03.2016

Беларускія вучоныя адзначаны прэміямі акадэмій навук Беларусі, Малдовы і Украіны

Беларускія вучоныя сталі лаўрэатамі прэмій нацыянальных акадэмій навук Беларусі, Малдовы і Украіны 2015 года. Прэміі прысуджаны за выдатныя навуковыя вынікі, атрыманыя пры выкананні сумесных даследаванняў і ў адпаведнасці з вынікамі конкурсу 2015 года.


Новости 821 - 840 из 1067
Начало | Пред. | 40 41 42 43 44 | След. | Конец
 

Галоўная старонка / Навіны / Архіў навін / Да пачатку старонкі
Пры поўным ці частковым выкарыстанні інфармацыі спасылка на крыніцу з'яўляецца абавязковай