Bel   ·  Eng  ·  Rus  |    Толькі тэкст  |   НАНБ в Facebook НАНБ в Vkontakte НАНБ в Twitter НАНБ в Instagram НАНБ в Youtube НАНБ в LinkedIn НАНБ в SlideShare rss-лента новостей Написать письмо 
   
Афiцыйны iнтэрнет-партал Прэзiдэнта Рэспублiкi Беларусь
Афiцыйны iнтэрнет-сайт Савета Міністраў Рэспублікі Беларусь
Акадэмія кіравання пры Прэзідэнце Рэспублікі Беларусь
Інтэрнет-партал Моладзь Беларусі
Газета Навука
Часопіс Навука і інавацыі

Навіны

28.02.2017

Намеснік Старшыні Прэзідыума НАН Беларусі Сяргей Кілін прыняў удзел ва ўрачыстасцях, прысвечаных 70-гадоваму юбілею НАН Рэспублікі Казахстан

Намеснік Старшыні Прэзідыума НАН Беларусі Сяргей Кілін 22 лютага 2017 г. прыняў удзел ва ўрачыстай сесіі Агульнага сходу Нацыянальнай акадэміі навук Рэспублікі Казахстан, прысвечанай 70-гадоваму юбілею Нацыянальнай акадэміі. Былі праведзены перагаворы па пашырэнні супрацоўніцтва арганізацый НАН Беларусі і НАН Рэспублікі Казахстан.

28.02.2017

У НАН Беларусі будуць разгледжаны пытанні якасці і бяспекі харчовых прадуктаў

2 сакавіка 2017 года ў 14:00 у зале Прэзідыума Нацыянальнай акадэміі навук Беларусі (г. Мінск, пр-т Незалежнасці, 66, каб. 216) адбудзецца пасяджэнне Міжведамаснага каардынацыйнага савета па праблемах харчавання пры Нацыянальнай акадэміі навук Беларусі. На мерапрыемстве будзе разгледжана пытанне “Маніторынг паказчыкаў якасці і бяспекі харчовых прадуктаў, якія вырабляюцца па ТУ і СТБ” (Дакладчык - начальнік Рэспубліканскага кантрольна-выпрабавальнага комплексу па якасці і бяспецы прадуктаў харчавання РУП “Навукова-практычны цэнтр Нацыянальнай акадэміі навук Беларусі па харчаванні”, кандыдат сельскагаспадарчых навук Пачыцкая Ірына Міхайлаўна).

27.02.2017

Аб’яўляецца конкурс 2017 года на саісканне прэмій Нацыянальнай акадэміі навук Беларусі

Нацыянальная акадэмія навук Беларусі аб’яўляе конкурс на саісканне прэмій Нацыянальнай акадэміі навук Беларусі. Нацыянальнай акадэміяй навук Беларусі заснаваны сем прэмій за лепшую навуковую працу ў памеры 250 базавых велічынь кожная: тры прэміі ў галіне фізікі, матэматыкі, інфарматыкі, фізіка-тэхнічных і тэхнічных навук; тры прэміі ў галіне біялогіі, хіміі, медыцыны, аграрных навук і навук аб Зямлі; адна прэмія ў галіне гуманітарных і сацыяльных навук.
Саіскальнікамі прэмій НАН Беларусі могуць быць грамадзяне Рэспублікі Беларусь - асобныя вучоныя або калектывы вучоных (не больш за тры чалавекі), якія апублікавалі вынікі даследаванняў у манаграфіях, цыклах артыкулаў у вядучых навуковых часопісах, якія выканалі распрацоўкі, практычная рэалізацыя якіх у сукупнасці адлюстроўвае рашэнне значнай навуковай і / або практычнай праблемы.

24.02.2017

НАН Беларусі наведала дэлегацыя Інстытута Расіі, Усходняй Еўропы і Цэнтральнай Азіі Кітайскай акадэміі грамадскіх навук

Нацыянальную акадэмію навук Беларусі наведала дэлегацыя Інстытута Расіі, Усходняй Еўропы і Цэнтральнай Азіі Кітайскай акадэміі грамадскіх навук на чале з яго дырэктарам Лі Юнцюанем. У ходзе сустрэчы з намеснікам Старшыні Прэзідыума НАН Беларусі Аляксандрам Сукалам абмяркоўваліся механізмы і напрамкі функцыянавання Беларуска-Кітайскага аналітычнага цэнтра развіцця. Таксама госці наведалі Індустрыяльны парк “Вялікі камень” і Інстытут эканомікі НАН Беларусі, на базе якога створаны і функцыянуе Беларуска-Кітайскі аналітычны цэнтр развіцця. Лі Юнцюань падчас сустрэчы ў НАН Беларусі быў узнагароджаны Памятным знакам “У гонар заснавання нацыянальнай акадэміі наук Беларусі”.

23.02.2017

НАН Беларусі наведала дэлегацыя Міністэрства нацыянальнай харчовай бяспекі і даследаванняў Пакістана

23 лютага 2017 года ў НАН Беларусі адбыліся перагаворы кіраўніцтва НАН Беларусі з дэлегацыяй Міністэрства нацыянальнай харчовай бяспекі і даследаванняў Пакістана на чале з першым намеснікам міністра, сустаршынёй Сумеснай рабочай групы Абідам Джаведам. Як адзначыў у ходзе сустрэчы намеснік старшыні Прэзідыума НАН Беларусі Пётр Казакевіч, НАН Беларусі надае асаблівае значэнне развіццю ўзаемавыгаднага супрацоўніцтва з Пакістанам. “НАН Беларусі распрацаваны Комплекс мер па развіцці супрацоўніцтва НАН Беларусі з арганізацыямі Ісламскай Рэспублікі Пакістан на 2016-2020 гг., у які ўключаны 9 праектаў, запланаваных да рэалізацыі сумесна з Пакістанскім саветам сельскагаспадарчых даследаванняў. Мы гатовы да таго, каб гэтыя праекты былі рэалізаваны ў бліжэйшы час”, - падкрэсліў Пётр Казакевіч.

22.02.2017

У ЦНБ імя Якуба Коласа НАН Беларусі адбылася прэзентацыя новага выдання аднатомнага “Тлумачальнага слоўніка беларускай літаратурнай мовы”

22 лютага ў ЦНБ імя Якуба Коласа НАН Беларусі адбылася прэзентацыя новага выдання аднатомнага “Тлумачальнага слоўніка беларускай літаратурнай мовы”, падрыхтаванага калектывам лексікографаў Інстытута мовазнаўства імя Якуба Коласа.
У мерапрыемстве ўзялі ўдзел прадстаўнікі органаў дзяржаўнага кіравання РБ, супрацоўнікі УП “Беларуская “Энцыклапедыя імя Петруся Броўкі”, загадчыкі кафедраў ВНУ краіны, вучоныя НАН Беларусі, літаратары.

21.02.2017

У Доме прэсы прайшла прэс-канферэнцыя прадстаўнікоў НАН Беларусі аб навуковым забеспячэнні раслінаводчай галіны

21 лютага 2017 г. у Прэс-цэнтры Дома прэсы адбылася прэс-канферэнцыя на тэму: “Навуковае забеспячэнне раслінаводчай галіны аграпрамысловага комплексу Рэспублікі Беларусь”. У мерапрыемстве прынялі ўдзел: Вахонін Мікалай Кірылавіч, дырэктар Рэспубліканскага навуковага даччынага ўнітарнага прадпрыемства “Інстытут меліярацыі”, кандыдат тэхнічных навук, дацэнт; Лужынскі Дзмітрый Уладзіміравіч, намеснік генеральнага дырэктара па навуцы Рэспубліканскага ўнітарнага прадпрыемства “Навукова-практычны цэнтр Нацыянальнай акадэміі навук Беларусі па земляробстве”, кандыдат сельскагаспадарчых навук; Якімовіч Алена Анатольеўна, намеснік дырэктара па навуцы Рэспубліканскага навуковага даччынага ўнітарнага прадпрыемства “Інстытут аховы раслін”, кандыдат сельскагаспадарчых навук; Маханько Вадзім Леанідавіч, намеснік генеральнага дырэктара па навуковай рабоце Рэспубліканскага ўнітарнага прадпрыемства “Навукова-практычны цэнтр Нацыянальнай акадэміі навук Беларусі па бульбаводстве і плодаагародніцтве”, кандыдат сельскагаспадарчых навук; Богдан Віктар Зігмундавіч, намеснік дырэктара па навуковай рабоце Рэспубліканскага навуковага даччынага ўнітарнага прадпрыемства “Інстытут ільну”, кандыдат сельскагаспадарчых навук, дацэнт.

21.02.2017

Лепшыя маладыя папулярызатары навукі выйдуць на “Навуковы рынг” у фінале праекта

24 лютага 2017 года ў 18:00 у Мінску ў Парку высокіх тэхналогій (г. Мінск, вул. Купрэвіча, 1/5) адбудзецца фінал спаборніцтваў “Навуковага рынга” - першага ў Беларусі праекта ў фармаце навуковых баёў, дзе навукоўцы наглядна і даступна тлумачаць сутнасць сваіх даследаванняў і распрацовак са сцэны. Выступленні ўдзельнікаў на гэты раз будуць ацэньваць не толькі гледачы, але і аўтарытэтнае журы. Маладыя даследчыкі прадставяць такія навуковыя галіны як медыцынская біяфізіка, энергетыка, генетыка, тэарэтычная фізіка, транспланталогія, машынабудаванне, неанаталогія і медыцына.

21.02.2017

Рэалізацыю праектаў патрыятычнай накіраванасці абмеркавалі на круглым стале ў Нацыянальным прэс-цэнтры Рэспублікі Беларусь

Круглы стол “Рэалізацыя ў Рэспубліцы Беларусь актуальных праектаў і грамадскіх ініцыятыў патрыятычнай накіраванасці”, прымеркаваны да Дня абаронцаў Айчыны, прайшоў 21 лютага 2017 года ў Нацыянальным прэс-цэнтры Рэспублікі Беларусь. У мерапрыемстве прынялі ўдзел дэпутаты Палаты прадстаўнікоў Нацыянальнага сходу Рэспублікі Беларусь, супрацоўнікі Інстытута гісторыі НАН Беларусі, Беларускага Таварыства Чырвонага Крыжа, Беларускага фонду міру і іншых арганізацый. Дырэктар Інстытута гісторыі НАН Беларусі Вячаслаў Даніловіч азнаёміў прысутных з праектамі патрыятычнай накіраванасці, якія рэалізуюцца інстытутам. На 2017 год запланавана правядзенне больш за 20 навуковых і навукова-практычных мерапрыемстваў, у якіх мяркуецца падключэнне да ўдзелу ў першую чаргу маладога пакалення.

17.02.2017

НАН Беларусі праводзіць Тыдзень роднай мовы

З 20 па 26 лютага Інстытут мовазнаўства імя Якуба Коласа НАН Беларусі праводзіць Тыдзень роднай мовы, прымеркаваны да святкавання Міжнароднага дня роднай мовы, які селета адзначаецца 21 лютага 2017 года. Запланаваны цэлы шэраг мерапрыемстваў.

17.02.2017

“Тлумачальны слоўнік беларускай літаратурнай мовы” прэзентуюць у Тыдзень роднай мовы у ЦНБ ім. Я. Коласа

22 лютага ў 15.00 у Цэнтральнай навуковай бібліятэцы імя Якуба Коласа НАН Беларусі адбудзецца прэзентацыя аднатомнага “Тлумачальнага слоўніка беларускай літаратурнай мовы”, які быў падрыхтаваны калектывам лексікографаў Інстытута мовазнаўства імя Якуба Коласа пад навуковай рэдакцыяй кандыдата філалагічных навук, дацэнта І.Л. Капылова. Слоўнік выдадзены ў выдавецтве «Беларуская Энцыклапедыя імя Петруся Броўкі».
Новае выданне Слоўніка стваралася на базе свайго папярэдніка – «Тлумачальнага слоўніка беларускай літаратурнай мовы» М.Р. Судніка і М.Н. Крыўко. Гэты слоўнік адлюстроўваў асноўнае лексічнае багацце беларускай мовы 1980–90-хх гадоў.

17.02.2017

У Міжнародны дзень роднай мовы Інстытут мовазнаўства імя Якуба Коласа запрашае на круглы стол “Мова ў адукацыі, навуцы, заканадаўстве”

21 лютага 2017 года ў 15:00 у Інстытуце мовазнаўства імя Якуба Коласа НАН Беларусі (ул. Сурганова, 1, корп. 2, ауд. 302) адбудзецца круглы стол “Мова ў адукацыі, навуцы, заканадаўстве”.
Да ўдзелу ў круглым стале запрошаны прадстаўнікі органаў дзяржаўнага кіравання Рэспублікі Беларусь, дэпутаты Палаты прадстаўнікоў Нацыянальнага сходу Рэспублікі Беларусь, вядучыя вучоныя розных галін навукі, педагагічныя работнікі, журналісты, аматары роднага слова.

16.02.2017

Кластар па касмічнай галіне будзе створаны ў Беларусі

Кластар па касмічнай галіне будзе створаны ў Беларусі. Пра гэта паведаміў сёння Старшыня Прэзідыума НАН Беларусі, кіраўнік Агенцтва па касмічных даследаваннях НАН Беларусі Уладзімір Гусакоў на нарадзе па пытаннях касмічнай дзейнасці, якая адбылася ў Акадэміі навук. “Сёння ў краіне трэба фарміраваць кластар па касмічнай галіне на чале з Агенцтвам па касмічных даследаваннях, прадпрыемствам “Геаінфармацыйныя сістэмы” і Аб’яднаным інстытутам праблем інфарматыкі Акадэміі навук. У кластар павінны ўвайсці не толькі арганізацыі НАН Беларусі, але і прадпрыемствы, вышэйшыя навучальныя ўстановы краіны, дзе вядуцца даследаванні па дадзенай тэматыцы - БДУ, БДУІР і іншыя. НАН Беларусі павінна стаць пляцоўкай для аб’яднання інтэлекту”, - падкрэсліў кіраўнік НАН Беларусі.

16.02.2017

У НАН Беларусі адбыўся Форум - адкрыты дыялог

15 лютага 2017 года ў НАН Беларусі адбыўся Форум - адкрыты дыялог працоўнай моладзі Першамайскага раёна г. Мінска. Мерапрыемства было прысвечана Году навукі. Перад моладдзю прадпрыемстваў, арганізацый і ўстаноў Першамайскага раёна г. Мінска, лідарамі пярвічных арганізацый ГА “БРСМ” выступіла кіраўніцтва НАН Беларусі, Першамайскага райвыканкама. Былі заслуханы выступленні маладых вучоных: “Лазерныя тэхналогіі ў медыцыне”, “Камп’ютарны скрынінг лекавых прэпаратаў” і “Генетычныя даследаванні і інавацыі ў біятэхналогіі”. Удзельнікі форуму наведалі пастаянна дзеючую выставу НАН Беларусі “Дасягненні навукі – вытворчасці”, а таксама азнаёміліся з дзейнасцю арганізацый НАН Беларусі: ДНУ “Інстытут генетыкі і цыталогіі НАН Беларусі”, ДНУ “Аб’яднаны інстытут праблем інфарматыкі НАН Беларусі” і ДНУ “Інстытут фізікі імя Б.І. Сцяпанава НАН Беларусі “.

15.02.2017

Хімічныя інавацыі ў медыцыне і фармацэўтыцы запрашае абмеркаваць СМУ НАН Беларусі

Савет маладых вучоных НАН Беларусі запрашае прыняць удзел у круглым стале па міждысцыплінарным супрацоўніцтве маладых вучоных “Хімія: інавацыі ў медыцыне і фармацэўтыцы”. Круглы стол пройдзе 22 лютага 2017 г. у 14:00 у канферэнц-зале Прэзідыума НАН Беларусі (п. 216, пр. Незалежнасці, 66).
Мэтай дадзенага мерапрыемства з’яўляецца ўмацаванне міждысцыплінарнага супрацоўніцтва маладых вучоных вузаўскай і акадэмічнай навукі ў галіне хіміі для медыцыны.

15.02.2017

Савет Міністраў Рэспублікі Беларусь зацвердзіў рэспубліканскі план мерапрыемстваў па правядзенні ў 2017 годзе Года навукі

Пастановай Савета Міністраў Рэспублікі Беларусь ад 14.02.2017 №125 зацверджаны рэспубліканскі план мерапрыемстваў па правядзенні ў 2017 годзе Года навукі.
План - своеасаблівая “дарожная карта” максімальнага ўключэння навуковай сферы, як найважнейшай рухаючай сілы сацыяльна-эканамічнага развіцця краіны, у забеспячэнне канкурэнтаздольнасці Рэспублікі Беларусь на сусветным рынку.
План носіць комплексны характар, утрымлівае мерапрыемствы, накіраваныя на ўдасканаленне нарматыўнага прававога і навукова-метадычнага забеспячэння навукі; асвятленне ў сродках масавай інфармацыі дасягненняў беларускай навукі; выдавецкую дзейнасць вучоных, навукова-практычныя мерапрыемствы (канферэнцыі, семінары, круглыя сталы і інш.) і г.д.

14.02.2017

На семінар па сучасных інфармацыйных інструментах для вучоных запрашае Беларуская сельскагаспадарчая бібліятэка імя І.С. Лупіновіча НАН Беларусі

Беларуская сельскагаспадарчая бібліятэка імя І.С. Лупіновіча НАН Беларусі праводзіць 21 лютага 2017 года семінар “Інфармацыйныя рэсурсы і інструменты платформы Web of Science для сучаснага вучонага”. На семінары плануецца разгледзець практычныя пытанні работы з інфармацыйнымі рэсурсамі платформы Web of Science і комплексам звязаных з ёй інфармацыйных інструментаў. Эфектыўнае выкарыстанне сучасных інфармацыйных інструментаў дазваляе значна павысіць выніковасць навуковых даследаванняў, павялічыць публікацыйную актыўнасць і канкурэнтаздольнасць беларускіх вучоных на міжнароднай навуковай арэне.

14.02.2017

Арганізацыі НАН Беларусі прымаюць удзел у Міжнароднай спецыялізаванай выставе-форуме ў галіне навукі, тэхналогій і інавацый "TRANSFIERE"

15-16 лютага 2017 года ў г. Малага (Іспанія) праходзіць Міжнародная спецыялізаваная выстава-форум у галіне навукі, тэхналогій і інавацый “TRANSFIERE”. У экспазіцыі Рэспублікі Беларусь на гэтым мерапрыемстве НАН Беларусі прадстаўлена пяццю арганізацыямі: ДНВА “Навукова-практычны цэнтр Нацыянальнай акадэміі навук Беларусі па матэрыялазнаўстве”, ДНУ “Фізіка-тэхнічны інстытут Нацыянальнай акадэміі навук Беларусі”, ДНУ “Інстытут прыкладной фізікі Нацыянальнай акадэміі навук Беларусі”, ДНУ “Інстытут цепла- і масаабмену імя А.В.Лыкава Нацыянальнай акадэміі навук Беларусі”, ДНУ “Цэнтр сістэмнага аналізу і стратэгічных даследаванняў Нацыянальнай акадэміі навук Беларусі”.

13.02.2017

Якасць прадукцыі Талачынскага кансервавага завода высока ацанілі на выставе “ХарчЭкспа-2017” у Маскве

Прадукцыя Талачынскага кансервавага завода ўдастоена залатога і сярэбранага медаля на выставе “ХарчЭкспа-2017” у Маскве. Прадстаўнікі РУП “Талачынскі кансервавы завод” падкрэслілі, што прадукцыя, якая выпускаецца на заводзе, вылучаецца натуральным саставам, што дазволіла дабіцца высокага прызнання на дадзеным выставачным мерапрыемстве. Таксама прадстаўнікі завода адзначаюць ажыўленне цікавасці расійскіх пастаўшчыкоў да прадукцыі завода і спадзяюцца на заключэнне адпаведных дагавораў на пастаўкі.

10.02.2017

У Інстытуце фізікі імя Б.І. Сцяпанава адбылося падпісанне Пагаднення аб стварэнні інавацыйна-прамысловага кластара “Мікра-, опта- і ЗВЧ-электроніка”

10 лютага 2017 года ў Інстытуце фізікі імя Б.І. Сцяпанава НАН Беларусі адбылося падпісанне Пагаднення аб стварэнні і дзейнасці інавацыйна-прамысловага кластара “Мікра-, опта- і ЗВЧ-электроніка”. У кластар увайшлі арганізацыі НАН Беларусі, ААТ “Інтэграл”, ААТ “Планар”, ААТ “НДІ радыёматэрыялаў”, а таксама ВНУ - БДУ, БНТУ і БДУІР.
Інавацыйна-прамысловы кластар будзе каардынуючай структурай, якая ажыццяўляе сваю дзейнасць у сферы навуковых даследаванняў, доследна-канструктарскіх распрацовак, вытворчасці вырабаў мікра-, опта- і ЗВЧ-электронікі, а таксама электроннага і оптыка-электроннага машынабудавання і прыборабудавання. Дзейнасць кластара дазволіць прымаць узгодненыя рашэнні ў адпаведнасці з сусветнай кан’юнктурай на рынку мікраэлектронікі і электроннага машынабудавання.


Новости 1 - 20 из 28
Начало | Пред. | 1 2 | След. | Конец