Bel   ·  Eng  ·  Rus  |    Толькі тэкст  |   НАНБ в Facebook НАНБ в Vkontakte НАНБ в Twitter НАНБ в Instagram НАНБ в Youtube НАНБ в LinkedIn НАНБ в SlideShare rss-лента новостей Написать письмо 
   
Афiцыйны iнтэрнет-партал Прэзiдэнта Рэспублiкi Беларусь
Афiцыйны iнтэрнет-сайт Савета Міністраў Рэспублікі Беларусь
Акадэмія кіравання пры Прэзідэнце Рэспублікі Беларусь
Інтэрнет-партал Моладзь Беларусі
Газета Навука
Часопіс Навука і інавацыі

Навіны

Галоўная старонка / Навіны / Архіў навін

RSS

28.09.2018

Агенцтва па касмічных даследаваннях НАН Беларусі паведамляе, што на наступным тыдні экіпаж 56-й экспедыцыі Міжнароднай касмічнай станцыі пакіне станцыю

Агенцтва па касмічных даследаваннях Нацыянальнай акадэміі навук Беларусі паведамляе, што па інфармацыі, якая паступіла ад удзельнікаў 31-га Міжнароднага Кангрэса Асацыяцыі ўдзельнікаў касмічных палётаў, які адбыўся ў г. Мінску з 9 па 15 верасня 2018 г., на наступным тыдні экіпаж 56- й экспедыцыі Міжнароднай касмічнай станцыі (МКС) пакіне станцыю.
У сераду, 3 кастрычніка, камандзір 56-й экспедыцыі Эндру Фойстэл перадасць кіраванне МКС камандзіру 57-й экспедыцыі Аляксандру Герсту. У чацвер, 4 кастрычніка, касманаўты Эндру Фойстэл, Алег Арцем’еў, Рычард Арнольд пакінуць МКС і вернуцца на Зямлю.

26.09.2018

26 верасня 2018 года споўнілася 90 гадоў з дня нараджэння члена-карэспандэнта НАН Беларусі Віталія Фядосавіча Мядзведзева

26 верасня 2018 года спаўнілася 90 гадоў з дня нараджэння члена-карэспандэнта Нацыянальнай акадэміі навук Беларусі, доктара эканамічных навук, прафесара Віталія Фядосавіча Мядзведзева. У Інстытуце эканомікі НАН Беларусі адбылося ўрачыстае пасяджэнне вучонага савета, прысвечанае гэтай падзеі. Ва ўрачыстым мерапрыемстве прынялі ўдзел больш за 40 прадстаўнікоў органаў заканадаўчай улады, дзяржаўнага кіравання, навуковых арганізацый і ўстаноў вышэйшай адукацыі Рэспублікі Беларусь. Ад імя Прэзідыума НАН Беларусі акадэмік-сакратар аддзялення гуманітарных навук і мастацтваў Аляксандр Каваленя звярнуўся з віншавальным словам да юбіляра і ўручыў Віталію Фядосавічу Мядзведзеву вышэйшую ўзнагароду Нацыянальнай акадэміі навук Беларусі Нагрудны знак “Залаты медаль Нацыянальнай акадэміі наук Беларусі “За Вялікі ўклад у развіццё навукі”.

26.09.2018

У Інстытуце парашковай металургіі імя акадэміка А.У.Романа адбудзецца семінар для спецыялістаў Мінпрама “Сучасныя тэхналогіі”

27 верасня 2018 года з 10:00 да 13:00 у Інстытуце парашковай металургіі імя акадэміка А.У. Романа (Мінск, вул. Платонава, 41) адбудзецца семінар для спецыялістаў Мінпрама “Сучасныя тэхналогіі”.

26.09.2018

У ДНУ “Інстытут радыебіялогіі НАН Беларусі” адбудзецца Міжнародная навуковая канферэнцыя “Радыебіялогія: актуальныя праблемы”

27-28 верасня ў ДНУ “Інстытут радыебіялогіі НАН Беларусі” (г. Гомель, вул. Фядзюнінскага, 4) адбудзецца Міжнародная навуковая канферэнцыя “Радыебіялогія: актуальныя праблемы”.
У працы форуму прымуць удзел вядучыя вучоныя з Беларусі, Расіі, Казахстана, Літвы, Швецыі і Японіі.

25.09.2018

НАН Беларусі і Акадэмія навук кітайскай правінцыі Шаньдун створаць сумесную лабараторыю

Інстытут фізікі Нацыянальнай акадэміі навук Беларусі і Інстытут лазерных даследаванняў Акадэміі навук кітайскай правінцыі Шаньдун створаць сумесную навуковую лабараторыю. Адпаведнае пагадненне падпісана сёння ў час візіту кітайскай дэлегацыі ў НАН Беларусі. Дакумент прадугледжвае выкананне шэрагу кантрактаў у галіне лазернай фізікі.

25.09.2018

Адбылася прэс-канферэнцыя “Захаванне гістарычнай памяці і супрацьдзеянне фальсіфікацыі гісторыі Вялікай айчыннай вайны”

25 верасня 2018 года ў Нацыянальным прэс-цэнтры Рэспублікі Беларусь адбылася прэс-канферэнцыя “Захаванне гістарычнай памяці і супрацьдзеянне фальсіфікацыі гісторыі Вялікай айчыннай вайны” ў рамках цыкла прэс-мерапрыемстваў, прымеркаваных да 75-годдзя вызвалення Беларусі ад нямецка-фашысцкіх захопнікаў.
Удзел прынялі дырэктар Інстытута гісторыі НАН Беларусі Вячаслаў Даніловіч, загадчык аддзела ваеннай гісторыі Беларусі Аляксей Літвін, вядучы навуковы супрацоўнік гэтага аддзела Анатоль Крыварот.

24.09.2018

У Мінску адкрыта мемарыяльная дошка і кабінет акадэміка Мікалая Барысевіча

24 верасня 2018 года ў Мінску прайшлі ўрачыстасці па ўвекавечанні памяці выдатнага вучонага-фізіка і арганізатара навукі, акадэміка НАН Беларусі і Расійскай акадэміі навук, Героя Сацыялістычнай Працы, актыўнага ўдзельніка Вялікай Айчыннай вайны і партызанскага руху ў Беларусі, лаўрэата Ленінскай прэміі, Дзяржаўных прэмій СССР і Рэспублікі Беларусь, доктара фізіка-матэматычных навук, прафесара Мікалая Аляксандравіча Барысевіча. На працягу 18 гадоў – з 1969 па 1987 гады – акадэмік Мікалай Аляксандравіч Барысевіч з’яўляўся Прэзідэнтам Акадэміі навук БССР. 21 верасня 2018 года яму споўнілася б 95 гадоў.

24.09.2018

III Міжнародны навуковы семінар “Расліннасць балот: сучасныя праблемы класіфікацыі, картаграфавання, выкарыстання і аховы” пройдзе ў Гродне

26-28 верасня 2018 года дзяржаўная навуковая ўстанова “Інстытут эксперыментальнай батанікі імя В.Ф.Купрэвіча Нацыянальнай акадэміі навук Беларусі” праводзіць пры ўдзеле ўстановы адукацыі “Гродзенскі дзяржаўны ўніверсітэт імя Янкі Купалы” на базе Гродзенскага дома навукі і тэхнікі III Міжнародны навуковы семінар “Расліннасць балот: сучасныя праблемы класіфікацыі, картаграфавання, выкарыстання і аховы”.

21.09.2018

На юбілейным пасяджэнні Савета МААН прыняты шэраг важных пастаноў

На юбілейным пасяджэнні Савета МААН, якое прайшло 21 верасня 2018 года, з прывітальным словам да ўдзельнікаў звярнуўся кіраўнік МААН Уладзімір Гусакоў і Прэзідэнт Расійскай акадэміі навук Аляксандр Сяргееў. Кіраўнікі дэлегацый краін-удзельніц МААН разгледзелі пытанні супрацоўніцтва ў сферы фундаментальнай навукі, ахарактарызавалі ўклад кожнай з краін у развіццё Асацыяцыі, абмеркавалі перспектыўныя кірункі і механізмы функцыянавання ў каротка- і сярэднетэрміновай перспектыве. У.Гусакоў далажыў аб рабоце базавай акадэміі навук МААН - НАН Беларусі.

21.09.2018

Заява Дзяржаўнага прадпрыемства “Акадэмфарм” НАН Беларусі з нагоды фармацэўтычнай субстанцыі Валсартан

Дзяржаўнае прадпрыемства “Акадэмфарм” НАН Беларусі інфармуе, што для вытворчасці лекавых сродкаў Валсартан-НАН, Валсамладзін, Ко-Валсартан выкарыстоўваецца актыўная фармацэўтычная субстанцыя Валсартан вытворчасці кампаніі ТеvaAPIIndiaLtd. Пра гэта ёсць сцвярджальны запіс на афіцыйным сайце УП “Цэнтр экспертыз і выпрабаванняў у ахове здароўя” ў раздзеле “Рэестры ЛС” (сайт http://www.rceth.by).

21.09.2018

20-21 верасня 2018 года ў НАН Беларусі праходзіць юбілейная сесія Міжнароднай асацыяцыі акадэмій навук

20-21 верасня 2018 года ў НАН Беларусі праходзіць юбілейная сесія Міжнароднай асацыяцыі акадэмій навук, прысвечаная 25-годдзю арганізацыі. У яе рабоце прымаюць удзел кіраўнікі акадэмій навук краін СНД і іншых дзяржаў, вядомыя вучоныя. На сесіі МААН плануецца абмеркаваць прыняцце дакументаў, накіраваных на ўдасканаленне дзейнасці асацыяцыі, збліжэнне пазіцый акадэмій навук, рэалізацыю сумесных праектаў. Па выніках мерапрыемства будзе таксама прынята рэзалюцыя.

20.09.2018

У Прэзідыуме НАН Беларусі прайшла сустрэча з дэлегацыяй Кітайскай акадэміі грамадскіх навук

18 верасня 2018 года ў Прэзідыуме НАН Беларусі прайшла сустрэча з дэлегацыяй Кітайскай акадэміі грамадскіх навук пад кіраўніцтвам Віцэ-Прэзідэнта КАГН, акадэміка, прафесара Лі Пейліна. Першы намеснік Старшыні Прэзідыума НАН Беларусі Сяргей Чыжык павітаў гасцей і выказаў зацікаўленасць у пашырэнні і паглыбленні далейшага беларуска-кітайскага супрацоўніцтва ў сферы гуманітарных навук.

20.09.2018

На Юбілейнай сесіі МААН уручылі памятныя знакі “У гонар 90-годдзя Нацыянальнай акадэміі навук Беларусі”

20 верасня 2018 года на Юбілейнай сесіі Міжнароднай асацыяцыі акадэмій навук, прысвечанай 25-годдзю арганізацыі, адбылася цырымонія ўрачыстага ўручэння памятных знакаў “У гонар 90-годдзя Нацыянальнай акадэміі навук Беларусі”. Узнагароды ўручаны кіраўнікам дэлегацый, якія прыехалі на ўрачыстасці ў Мінск.

20.09.2018

Прынята рашэнне аб заснаванні прэміі Міжнароднай Асацыяцыі акадэмій навук (МААН)

Сёння на Юбілейнай сесіі Міжнароднай асацыяцыі акадэмій навук (МААН), прысвечанай 25-годдзю арганізацыі, прынята рашэнне аб заснаванні прэміі МААН. З такой ініцыятывай выступіў прэзідэнт Акадэміі навук Малдовы Георгій Дука. Дадзеная прапанова была падтрымана ўсімі кіраўнікамі нацыянальных акадэмій.

20.09.2018

Беларускім вучоным уручаны дыпломы лаўрэатаў прэмій акадэмій навук Украіны, Беларусі і Малдовы па выніках конкурсу сумесных даследаванняў

За выдатныя навуковыя вынікі, атрыманыя пры выкананні сумесных навуковых даследаванняў, беларускія вучоныя ў складзе аўтарскіх калектываў адзначаны прэміямі нацыянальных акадэмій навук Украіны, Беларусі і Малдовы 2017 года.

18.09.2018

У НАН Беларусі пройдзе Юбілейная сесія Міжнароднай асацыяцыі акадэмій навук

20 верасня 2018 года (чацвер) у 10.00 у НАН Беларусі (Мінск, пр. Незалежнасці, 66, Вялікая канферэнц-зала) адбудзецца ўрачыстае адкрыццё Юбілейнай сесіі Міжнароднай асацыяцыі акадэмій навук, прысвечанай 25-годдзю Асацыяцыі. У яе рабоце прымуць удзел кіраўнікі акадэмій навук краін СНД, вядучых замежных акадэмій, вядомыя вучоныя. Сярод пытанняў, якія будуць разгледжаны на пасяджэнні МААН 20-21 верасня – прыярытэтныя напрамкі дзейнасці Асацыяцыі, унясенне змяненняў у Палажэнне аб Міжнароднай асацыяцыі акадэмій навук, дзейнасць навуковых саветаў МААН, праца Арганізацыйна-тэхнічнага савета МААН. Кіраўнікі акадэмій навук абмяркуюць пытанні павышэння эфектыўнасці работы Саветаў маладых вучоных акадэмій навук. Па выніках будзе прынята адпаведная рэзалюцыя.

12.09.2018

Героям асваення космасу ўручаны ўзнагароды НАН Беларусі

У Прэзідыуме НАН Беларусі 12 верасня 2018 года адбылося ўрачыстае ўручэнне памятных знакаў “У гонар 90-годдзя Нацыянальнай акадэміі навук Беларусі” героям асваення космасу. У цырымоніі прынялі ўдзел Святлана Яўгенаўна Савіцкая (савецкі касманаўт, лётчык-выпрабавальнік, педагог, першая ў свеце жанчына-касманаўт, якая выйшла ў адкрыты космас); Сяргей Канстанцінавіч Крыкалёў (савецкі і расійскі авіяцыйны спартсмен і касманаўт, з кастрычніка 2005 да чэрвеня 2015 г. – рэкардсмен Зямлі па сумарным часе знаходжання ў космасе (803 дні за шэсць стартаў); Ян Лівэй (першы касманаўт КНР, генеральны дырэктар Кітайскай праграмы пілатуемых касмічных палётаў, Касманаўт-герой (2003), Аляксандр Паўлавіч Аляксандраў (кіраўнік Асацыяцыі ўдзельнікаў касмічных палётаў – Расія, двойчы Герой Савецкага Саюза).

12.09.2018

У Аб’яднаным інстытуце праблем інфарматыкі НАН Беларусі пройдзе канферэнцыя па стратэгіі развіцця сістэмы навукова-тэхнічнай інфармацыі ў Рэспубліцы Беларусь

20 верасня 2018 года ў Аб’яднаным інстытуце праблем інфарматыкі НАН Беларусі (вул. Сурганава 6, ст. метро “Акадэмія навук”) пройдзе XVII Міжнародная канферэнцыя “Развіццё інфарматызацыі і дзяржаўнай сістэмы навукова-тэхнічнай інфармацыі (РІНТІ 2018.)”, на якой будуць разгледжаны стратэгія развіцця сістэмы НТІ ў Рэспубліцы Беларусь на перыяд да 2025 г .; асноўныя напрамкі і тэхналогіі лічбавай трансфармацыі ў адукацыі, эканоміцы і дзяржаўным кіраванні; стан і напрамкі фарміравання інфармацыйнага грамадства (ІТ-дзяржавы), развіцця інфарматызацыі (лічбавыя трансфармацыі) і штучнага інтэлекту ў краіне. У дакладах будуць абмяркоўвацца таксама пытанні праектавання і ўкаранення аўтаматызаваных сістэм НТІ, карпаратыўных аўтаматызаваных бібліятэчна-інфармацыйных сістэм і тэхналогій, публікацыйнай актыўнасці вучоных і арганізацый Беларусі, псіхалагічныя аспекты ў сістэмах НТІ. У рамках канферэнцыі будзе арганізавана выстава распрацовак па штучным інтэлекце.

09.09.2018

Старшыня Прэзідыума НАН Беларусі прыняў удзел у цырымоніі адкрыцця памятнага знака “Беларусам - героям космасу”

9 верасня 2018 года ў Мінску на скрыжаванні вуліцы Касманаўтаў і праспекта Дзяржынскага быў адкрыты памятны знак “Беларусам - героям космасу”. У цырымоніі адкрыцця прынялі ўдзел Старшыня Прэзідыума Нацыянальнай акадэміі навук Беларусі Уладзімір Гусакоў, намеснік старшыні Мінгарвыканкама Ігар Юркевіч, народны мастак Беларусі і скульптар Іван Міско, архітэктар праекта Валерый Мітрафанаў, а таксама касманаўты: двойчы героі Савецкага Саюза Пётр Клімук і Уладзімір Кавалёнак, ураджэнец Беларусі герой Расійскай Федэрацыі лётчык-касманаўт Алег Навіцкі, жыхары і госці сталіцы.
Адкрываючы памятны знак, Старшыня Прэзідыума НАН Беларусі адзначыў, што “адкрыццё помніка напярэдадні 31-га Міжнароднага кангрэса Асацыяцыі ўдзельнікаў касмічных палётаў, які пачне працу ў Мінску 10 верасня, вельмі сімвалічна. Выбар месца правядзення такога важнага форуму сведчыць аб міжнародным прызнанні нашай краіны як касмічнай дзяржавы. Нацыянальная акадэмія навук актыўна працуе ў галіне космасу. Зараз лётае касмічны апарат дыстанцыйнага зандзіравання зямлі, рыхтуем да запуску новы апарат. Хачу пажадаць нашым касманаўтам здароўя, мы ганарымся іх поспехамі ", - сказаў Уладзімір Гусакоў.

08.09.2018

У Цэнтральным батанічным садзе НАН Беларусі прайшоў першы ў Беларусі Фестываль навукі

На шырокую праграму мерапрыемства, разлічаную на 10 тысяч чалавек, якое праходзіць у Дзень горада, у Цэнтральны батанічны сад НАН Беларусі сабраліся наведвальнікі розных інтарэсаў і узростаў. Былі арганізаваны некалькі лекцыйных пляцовак, на якіх можна было праслухаць навукова-папулярныя выступленні па тэмах нейранавукі, фізікі, біялогіі, псіхалогіі, лінгвістыкі і іншых навук. З тэматычнымі блокамі лекцый выступілі адукацыйныя праекты “15х4”, “TEDxYOUTH”, “Навука па-за сабой”, “Масаракш”.
Каля галоўнага ўваходу ў батанічны сад арганізацыі Нацыянальнай акадэміі навук Беларусі разгарнулі выставу і расказалі наведвальнікам аб сваёй дзейнасці. Асобна была прадстаўлена касмічная зона, у якой таксама прайшлі тэматычныя лекцыі і майстар-класы ад Мінскага планетарыя, выстава фота і дэманстрацыя стартапа “Айкумена”. Таксама гэтую зону наведалі касманаўты, якія прыехалі ў Мінск на XXXI Міжнародны кангрэс Асацыяцыі ўдзельнікаў касмічных палётаў.


Новости 21 - 40 из 1040
Начало | Пред. | 1 2 3 4 5 | След. | Конец
 

Галоўная старонка / Навіны / Архіў навін / Да пачатку старонкі
Пры поўным ці частковым выкарыстанні інфармацыі спасылка на крыніцу з'яўляецца абавязковай