Bel   ·  Eng  ·  Rus  |    Толькі тэкст  |   НАНБ в Facebook НАНБ в Vkontakte НАНБ в Twitter НАНБ в Instagram НАНБ в Youtube НАНБ в LinkedIn НАНБ в SlideShare rss-лента новостей Написать письмо 
   
Афiцыйны iнтэрнет-партал Прэзiдэнта Рэспублiкi Беларусь
Афiцыйны iнтэрнет-сайт Савета Міністраў Рэспублікі Беларусь
Акадэмія кіравання пры Прэзідэнце Рэспублікі Беларусь
Інтэрнет-партал Моладзь Беларусі
Газета Навука
Часопіс Навука і інавацыі

Навіны

Галоўная старонка / Навіны / Архіў навін

RSS

06.09.2018

Прадстаўнікі НАН Беларусі ўдастоены дзяржаўных узнагарод Рэспублікі Беларусь

Указам Прэзідэнта Рэспублікі Беларусь №359 ад 4 верасня 2018 года за шматгадовую плённую працу, высокі прафесіяналізм, узорнае выкананне службовых абавязкаў, вялікі асабісты ўклад у развіццё прамысловасці, сельскагаспадарчай галіны быў узнагароджаны шэраг супрацоўнікаў арганізацый і прадпрыемстваў, сярод якіх прадстаўнікі НАН Беларусі:
медалём “За працоўныя заслугі” ўзнагароджаны Краўцоў Сяргей Уладзіміравіч – дырэктар РУП “Гомельская абласная даследчая станцыя” Нацыянальнай акадэміі навук Беларусі
медалём Францыска Скарыны адзначаны Турко Сяргей Андрэевіч – генеральны дырэктар РУП “НПЦ НАН Беларусі па бульбаводстве і плодаагародніцтве”
званне заслужаны работнік сельскай гаспадаркі прысвоена Анюхоўскаму Анатолію Васільевічу – дырэктару Рэспубліканскага вытворчага даччынага ўнітарнага прадпрыемства “Талачынскі кансервавы завод”.

06.09.2018

Адбылася прэс-канферэнцыя на тэму “Насустрач XXXI Міжнароднаму кангрэсу Асацыяцыі ўдзельнікаў касмічных палётаў. Распрацоўкі беларускіх вучоных у галіне касмічных тэхналогій”

6 верасня 2018 года ў Прэс-цэнтры Дома прэсы адбылася прэс-канферэнцыя на тэму “Насустрач XXXI Міжнароднаму кангрэсу Асацыяцыі ўдзельнікаў касмічных палётаў. Распрацоўкі беларускіх вучоных у галіне касмічных тэхналогій”. Ад НАН Беларусі ў мерапрыемстве ўзялі удзел: Сяргей Анатольевіч Залатой, дырэктар НІРУП “Геаінфармацыйныя сістэмы” НАН Беларусі, галоўны канструктар Беларускай касмічнай сістэмы дыстанцыйнага зандзіравання Зямлі; Сяргей Анатольевіч Караняка, выканаўчы дырэктар беларуска-расійскай касмічнай праграмы “Маніторынг-СД”, загадчык аддзела касмічных і інфармацыйных тэхналогій ДНУ “Аб’яднаны інстытут праблем інфарматыкі”.

06.09.2018

8 верасня ў Батанічным садзе НАН Беларусі пройдзе Фестываль навукі

8 верасня ў Батанічным садзе Нацыянальнай акадэміі навук Беларусі пройдзе Фестываль навукі. Упершыню ў Мінску адбудзецца мерапрыемства такога фармату і размаху. Мерапрыемства разлічана на 10 тысяч чалавек розных інтарэсаў і ўзростаў.
Для аматараў навукова-папулярных лекцый будзе прапанавана дзве лекцыйныя пляцоўкі з тэматычнымі блокамі адукацыйных праектаў “15х4”, “TEDxYOUTH”, “Навука па-за сабой”, “Масаракш”, якія ўжо добра вядомы мінчанам.

05.09.2018

НАН Беларусі і Фонд падтрымкі адукацыі і навукі (Алфёраўскі фонд) аб’яўляюць аб правядзенні конкурсу 2018 года на саісканне прэмій для маладых вучоных

Нацыянальная акадэмія навук Беларусі і Фонд падтрымкі адукацыі і навукі (Алфёраўскі фонд) аб’яўляюць аб правядзенні конкурсу 2018 года на саісканне прэмій НАН Беларусі і Алфёраўскага фонду для маладых вучоных (да 35 гадоў па стане на 1 студзеня конкурснага года) за лепшую навукова- даследчую работу (асобную навуковую работу або сукупнасць аб’яднаных адзінай тэматыкай работ) у наступных галінах (намінацыях):
- фізіка, матэматыка, інфарматыка, фізіка-тэхнічныя і тэхнічныя навукі;
- біялогія, хімія, медыцына, аграрныя навукі і навукі аб Зямлі;
- гуманітарныя і сацыяльныя навукі.

04.09.2018

12-14 верасня 2018 года Палескі аграрна-экалагічны інстытут правядзе VIII Міжнародную навуковую канферэнцыю “Прыроднае асяроддзе Палесся і навукова-практычныя аспекты рацыянальнага рэсурсакарыстання”

12-14 верасня 2018 года Дзяржаўная навуковая ўстанова “Палескі аграрна-экалагічны інстытут Нацыянальнай акадэміі навук Беларусі” праводзіць на базе адпачынку “Белае возера” (Брэсцкі раён) VIII Міжнародную навуковую канферэнцыю “Прыроднае асяроддзе Палесся і навукова-практычныя аспекты рацыянальнага рэсурсакарыстання”. Навукоўцы збяруцца, каб абмеркаваць праблемы прыродакарыстання ў трансгранічным цэнтральна-еўрапейскім рэгіёне Палесся, абмяняцца вопытам іх вырашэння ў розных рэгіёнах і краінах, падрыхтаваць навукова-абгрунтаваную канцэпцыю трансгранічнага кластара па эфектыўным выкарыстанні кліматычных, водных, мінеральна-сыравінных і біялагічных рэсурсаў у вырашэнні праблем устойлівага развіцця Палесся.

03.09.2018

Адбылася прэс-канферэнцыя “Актуальныя пытанні забеспячэння біялагічнай бяспекі ў Рэспубліцы Беларусь. Ідэнтыфікацыя генетычна мадыфікаваных арганізмаў як абавязковая частка працэсу сертыфікацыі прадуктаў харчавання”

3 верасня 2018 года ў Нацыянальным прэс-цэнтры Рэспублікі Беларусь адбылася прэс-канферэнцыя “Актуальныя пытанні забеспячэння біялагічнай бяспекі ў Рэспубліцы Беларусь. Ідэнтыфікацыя генетычна мадыфікаваных арганізмаў як абавязковая частка працэсу сертыфікацыі прадуктаў харчавання”. У мерапрыемстве ўзялі ўдзел: галоўны вучоны сакратар Нацыянальнай акадэміі навук Беларусі Аляксандр Кільчэўскі, дырэктар ДНУ “Інстытут генетыкі і цыталогіі НАН Беларусі” Руслан Шайко і начальнік Рэспубліканскага кантрольна-выпрабавальнага комплексу па якасці і бяспецы прадуктаў харчавання (РКІККБПП) РУП “Навукова-практычны цэнтр НАН Беларусі па харчаванні” Ірына Пачыцкая.

03.09.2018

У НАН Беларусі адкрылася выстава акварэльных работ акадэміка Аляксандра Лакоткі, прысвечаная Году малой радзімы

У НАН Беларусі адкрылася выстава акварэльных работ акадэміка Нацыянальнай акадэміі навук Беларусі Аляксандра Лакоткі “Краявіды малой Радзімы”, прысвечаная Году малой радзімы. Аўтар – дырэктар ДНУ “Цэнтр даследаванняў беларускай культуры, мовы і літаратуры” НАН Беларусі, архітэктар, вядомы даследчык культуры і побыту беларускага народа, гісторыка-культурных ландшафтаў, архітэктуры.

01.09.2018

Перад будынкам Прэзідыума НАН Беларусі адкрылі новую скульптурную кампазіцыю “Пераемнасць беларускай навукі” і далі старт новага навучальнага года ў магістратуры ІПНК НАН Беларусі

1 верасня 2018 года перад будынкам Прэзідыума НАН Беларусі ў рамках урачыстага мерапрыемства, прысвечанага пачатку новага навучальнага года ў Інстытуце падрыхтоўкі навуковых кадраў НАН Беларусі, адбылася цырымонія адкрыцця новай скульптурнай кампазіцыі “Пераемнасць беларускай навукі” (аўтары – скульптары Алена Хараберуш, Леанард Пакульніцкі і архітэктар Армэн Сардараў).

31.08.2018

Напярэдадні Дня ведаў у НПЦ НАН Беларусі па механізацыі сельскай гаспадаркі прайшло мерапрыемства для першакласнікаў

Напярэдадні Дня ведаў для дзяцей супрацоўнікаў НПЦ НАН Беларусі па механізацыі сельскай гаспадаркі была арганізавана пазнавальная і забаўляльная праграма. Будучым першакласнікам, якія наведалі разам з бацькамі музей арганізацыі, было расказана пра гісторыю навукова-практычнага цэнтра, паказаны 3D-мадэлі сельскагаспадарчых машын, распрацаваных у НПЦ і іншыя экспанаты музея. Простай і зразумелай мовай школьнікам расказалі пра ролю цэнтра ў эканоміцы краіны: 80% усіх сельгасмашын і агрэгатаў на палях Беларусі – распрацоўкі беларускіх вучоных.

29.08.2018

НАН Беларусі і “КБ Беспілотныя верталёты” падпісалі Пагадненне аб супрацоўніцтве паміж дзвюма арганізацыямі

29 жніўня 2018 года Старшыня Прэзідыума НАН Беларусі Уладзімір Гусакоў і дырэктар таварыства з абмежаванай адказнасцю “КБ Беспілотныя верталёты” Уладзімір Чудакоў падпісалі Пагадненне аб супрацоўніцтве паміж дзвюма арганізацыямі.
У дакуменце сказана, што бакі аб’яднаюць свае намаганні ў сферы навукова-тэхнічных даследаванняў, будуць працаваць над сумеснымі праектамі на базе кластара “Галаўны рэспубліканскі цэнтр беспілотнай тэхнікі”, створанага ў НАН Беларусі, з прадстаўнікамі НПЦ шматфункцыянальных беспілотных комплексаў. Разам партнёры будуць працаваць над новымі мадэлямі тэхнікі самалётнага і верталётнага тыпу.

28.08.2018

Адбылася прэс-канферэнцыя “Аб падрыхтоўцы і правядзенні XXXI Міжнароднага кангрэса Асацыяцыі ўдзельнікаў касмічных палётаў”

28 жніўня 2018 года ў Нацыянальным прэс-цэнтры Рэспублікі Беларусь адбылася прэс-канферэнцыя “Аб падрыхтоўцы і правядзенні XXXI Міжнароднага кангрэса Асацыяцыі ўдзельнікаў касмічных палётаў”.
У мерапрыемстве прынялі ўдзел: Кілін Сяргей Якаўлевіч – намеснік Старшыні Прэзідыума НАН Беларусі; Віцязь Пётр Аляксандравіч – кіраўнік апарата НАН Беларусі; Залатой Сяргей Анатольевіч – дырэктар НІРУП “Геаінфармацыйныя сістэмы” НАН Беларусі, галоўны канструктар Беларускай касмічнай сістэмы дыстанцыйнага зандзіравання Зямлі.

25.07.2018

Ідзе прыём заявак на ўдзел у выставе “Фестывалю Навукі – 2018”

8 верасня 2018 года ў Цэнтральным батанічным садзе НАН Беларусі Акадэміяй навук будзе арганізаваны “Фестываль Навукі – 2018”, прымеркаваны да 90-годдзя з дня заснавання Акадэміі навук і Дня горада. Фестываль уяўляе сабой масавае навукова-адукацыйнае мерапрыемства, разлічанае на 8-10 тысяч наведвальнікаў на працягу аднаго дня на тэму навукі. Мэта мерапрыемства – выклікаць зацікаўленасць навукай у вучняў і студэнтаў, умацаваць прэстыж навукі ў грамадстве, расказаць пра дасягненні беларускай і сусветнай навукі. У сувязі з актыўным прыцягненнем да ўдзелу ў Фестывалі вучнёўскай і студэнцкай моладзі, маладых вучоных ствараецца дзейсная сістэма, якая забяспечвае пераемнасць пакаленняў і развіццё ўстойлівай цікавасці падрастаючага пакалення да навукова-даследчай працы. У мерапрыемстве прымуць удзел акадэмічныя інстытуты, ВНУ, навукова-пазнавальныя праекты, музеі навукі, а таксама цэнтры дзіцячай творчасці і гурткі робататэхнікі.

25.07.2018

Аб’яўляецца конкурс 100 талентаў Нацыянальнай акадэміі навук Беларусі 2018 года

Нацыянальная акадэмія навук Беларусі аб’яўляе аб правядзенні ў 2018 годзе конкурсу 100 талентаў Нацыянальнай акадэміі навук Беларусі.
Конкурс праводзіцца ў мэтах: рэалізацыі мер па прыцягненні і замацаванні таленавітай моладзі ў навуковай, навукова-тэхнічнай і інавацыйнай сферах; стварэння маладзёжных навукова-даследчых груп і амаладжэння кадравага складу навуковых арганізацый; забеспячэння пераемнасці паміж вучонымі розных пакаленняў.

25.07.2018

Санітарнае фарміраванне РУП “НПЦ НАН Беларусі па жывёлагадоўлі” заняло першае месца на абласных спаборніцтвах

На тэрыторыі Чэрвеньскага раёна Мінскай вобласці прайшлі абласныя спаборніцтвы санітарных фарміраванняў. У спаборніцтвах прынялі ўдзел 23 каманды, якія прадстаўлялі ўсе рэгіёны Мінскай вобласці. Спаборніцтвы праводзяцца ў мэтах падтрымання фарміраванняў грамадзянскай абароны Мінскай вобласці ў гатоўнасці. У ходзе спаборніцтваў судзейская камісія праверыла аснашчэнне каманд, ацаніла працу санітарных дружын у ачагах камбінаванага паражэння, хімічнага паражэння і інфекцыйнага захворвання. Веды ўдзельнікаў спаборніцтваў таксама былі правераны ў ходзе тэсціравання.

25.07.2018

Лётчыку-касманаўту СССР Пятру Клімуку ўручаны дыплом ганаровага члена Нацыянальнай акадэміі навук Беларусі

25 ліпеня 2018 года Старшыня Прэзідыума НАН Беларусі Уладзімір Гусакоў уручыў дыплом ганаровага члена Нацыянальнай акадэміі навук Беларусі лётчыку-касманаўту СССР Пятру Клімуку. Пётр Клімук – касманаўт, вядомы вучоны, доктар тэхнічных навук, сапраўдны член Расійскай акадэміі касманаўтыкі імя К.Э.Цыялкоўскага, акадэмік Міжнароднай акадэміі інфарматыкі, член-карэспандэнт Міжнароднай акадэміі астранаўтыкі. Ён быў аднагалосна абраны ганаровым членам НАН Беларусі 16 лістапада 2017 года падчас сесіі Агульнага сходу Нацыянальнай акадэміі навук Беларусі. Як адзначыў пасля ўрачыстай цырымоніі Пётр Клімук, “У Расіі я атрымаў шмат розных дыпломаў. Але я беларус, я тут нарадзіўся, і для мяне вельмі ганарова атрымаць такое званне менавіта ад НАН Беларусі. Гэта высокі гонар”.

19.07.2018

Работы лаўрэатаў прэмій Нацыянальнай акадэміі навук Беларусі і Фонду падтрымкі адукацыі і навукі (Алфёраўскага фонду) 2015-2017 гг. перададзены ў ЦНБ НАН Беларусі

Работы лаўрэатаў прэмій Нацыянальнай акадэміі навук Беларусі і Фонду падтрымкі адукацыі і навукі (Алфёраўскага фонду) 2015-2017 гг. перададзены ў ЦНБ НАН Беларусі. З архівам работ можна азнаёміцца ў чытальнай зале прыродазнаўчых і тэхнічных навук (чытальная зала № 1, 4 паверх, п. 401).

19.07.2018

У Інстытуце фізіка-арганічнай хіміі адбудзецца адкрытая лекцыя Антона Шолуха ў рамках грамадска-навуковай ініцыятывы “Вучоныя без межаў”

Грамадска-навуковая ініцыятыва “Вучоныя без межаў” запрашае на чарговы даклад беларускага вучонага, які жыве і працуе за мяжой. Антон Шолух прадставіць даклад “Сістэмныя і мясцовыя антыцелы ў “глыбока эшаланіраванай” імуннай абароне ад вірусных інфекцый” (“Systemic and local antibodies in immune defense-in-depth against viral infections”).

18.07.2018

Адзяленне гуманітарных навук і мастацтваў аб’яўляе конкурс паэтычных твораў

З нагоды 90-годдзя Нацыянальнай акадэміі навук Беларусі і ў сувязі з аб’яўленым Годам малой радзімы Адзяленне гуманітарных навук і мастацтваў аб’яўляе конкурс паэтычных твораў на тэму Радзімы, маці, ратнага подзвігу народа, працы чалавека на зямлі. Для ўдзелу ў конкурсе запрашаюцца супрацоўнікі Акадэміі навук, якія маюць паэтычны талент, мастацкі густ і могуць на адпаведным эстэтычным узроўні выказаць свае думкі і эмоцыі. Лепшыя з дасланых твораў будуць змешчаны ў агульнаакадэмічным зборніку “Зямлі, навекі блаславёнай”.

09.07.2018

У НАН Беларусі адбыўся круглы стол “Беларуская дзяржаўнасць: гістарычная канцэпцыя і ідэалогія”, прымеркаваны да Дня Незалежнасці Рэспублікі Беларусь

29 чэрвеня 2018 года Савет маладых вучоных Аддзялення гуманітарных навук і мастацтваў НАН Беларусі правёў экспертны круглы стол “Беларуская дзяржаўнасць: гістарычная канцэпцыя і ідэалогія”, прымеркаваны да Дня Незалежнасці Рэспублікі Беларусь. На навуковым мерапрыемстве прагучалі экспертныя меркаванні як ужо вядомых даследчыкаў, так і маладых навукоўцаў. Зацікаўленасць у экспертным абмеркаванні праявілі прадстаўнікі аналітычнай групы Рэспубліканскага грамадскага аб’яднання “Белая Русь”.

06.07.2018

Адбылася цырымонія ўручэння дзяржаўных дыпломаў выпускнікам магістратуры Інстытута падрыхтоўкі навуковых кадраў НАН Беларусі

6 ліпеня 2018 года ў Цэнтральнай навуковай бібліятэцы імя Я.Коласа НАН Беларусі адбылася цырымонія ўручэння дзяржаўных дыпломаў выпускнікам магістратуры Інстытута падрыхтоўкі навуковых кадраў НАН Беларусі 2018 года.
У рамках рэалізацыі канцэпцыі “Універсітэт 3.0” у адпаведнасці са Стратэгіяй “Навука і тэхналогіі 2018-2040”, прынятай на 2-м з’ездзе вучоных Рэспублікі Беларусь, у магістратуры НАН Беларусі вядзецца фарміраванне новай якасці кадравага патэнцыялу пад кіраўніцтвам акадэмікаў, членаў-карэспандэнтаў і вядучых вучоных. Падрыхтоўка магістраў вялася па спецыяльнасцях: біялогія, мастацтвазнаўства, машынабудаванне і машыназнаўства, прыкладная матэматыка і інфарматыка, сацыялогія, фізіка, хімія, эканоміка і кіраванне народнай гаспадаркай.


Новости 41 - 60 из 1039
Начало | Пред. | 1 2 3 4 5 | След. | Конец
 

Галоўная старонка / Навіны / Архіў навін / Да пачатку старонкі
Пры поўным ці частковым выкарыстанні інфармацыі спасылка на крыніцу з'яўляецца абавязковай