У НАН Беларусі пад кіраўніцтвам Старшыні Прэзідыума НАН Беларусі акадэміка Уладзіміра Гусакова адбылося ўстаноўчае пасяджэнне Міжведамаснай рабочай групы па распрацоўцы вакцыны супраць COVID-19. У мерапрыемстве прынялі ўдзел вядучыя вучоныя і спецыялісты арганізацый Нацыянальнай акадэміі навук Беларусі і Міністэрства аховы здароўя Рэспублікі Беларусь.

Удзельнікі Міжведамаснай рабочай групы разгледзелі распрацаваны план мерапрыемстваў па стварэнні вакцыны супраць COVID-19.

На пасяджэнні было адзначана, што сёння неабходна стварэнне айчыннай навуковай школы з экспертаў для адаптацыі і ацэнкі наяўных і распрацоўкі новых вакцын супраць патэнцыйна небяспечных агентаў. Асаблівая ўвага была скіравана на важнасць стварэння айчыннай вакцыны супраць COVID-19, паколькі існуе залежнасць штамаў у папуляцыі ад рэгіёну цыркуляцыі. Разгледжана таксама магчымасць фарміравання дадатковай падпраграмы, прысвечанай навуковым даследаванням COVID-19, у Дзяржаўнай праграме «Навукаёмістыя тэхналогіі».

Па выніках праведзеных перамоў запланавана публікацыя матэрыялаў дакладаў у вядучых навуковых часопісах Нацыянальнай акадэміі навук Беларусі.