У Віцебску прайшоў Міжнародны сімпозіум "Перспектыўныя матэрыялы і тэхналогіі". Член-карэспандэнт НАН Беларусі Васіль Рубанік падкрэсліў імкненне выявіць таленавітую моладзь і дапамагчы фарміраванню яе навуковых поглядаў.

Біялагічны факультэт ВДУ імя П.М.Машэрава — найстарэйшы факультэт універсітэта, фактычна яго аднагодак. Сярод найбольш важных перспектыўных напрамкаў навуковых даследаванняў ВДУ — біялагічнае і геаэкалагічнае абгрунтаванне рацыянальнага выкарыстання рэсурснага патэнцыялу і аховы навакольнага свету беларускага Паазер’я. Па адным з напрамкаў даследаванняў вывучаюцца новыя інвазіўныя віды. Асноўную работу ў гэтым напрамку вядзе Нацыянальная акадэмія навук Беларусі, спецыялісты кафедры батанікі - сувыканаўцы задання, у прыватнасці, па выпрабаванню методык барацьбы з баршчэўнікам Сасноўскага.

Цэнтральнай падзеяй міжнароднай навукова-практычнай канферэнцыі "Куцеінскія чытанні 2014" у Оршы стала прэзентацыя факсіміле славутага выдання Спірыдона Собаля. Копія рэліквіі убачыла свет па ініцыятыве Аршанскага райвыканкама, НАН Беларусі і інш.

Згодна з Дзяржаўнай праграмай адраджэння тэхналогій і традыцый вырабу слуцкіх паясоў і развіцця вытворчасці нацыянальнай сувенірнай прадукцыі «Слуцкія паясы» на 2012-2015 гады ўжо мінулым летам пачалося непасрэднае ажыццяўленне задумы. «Пры ўмове, што будзе своечасова зманціравана абсталяванне, да канца чэрвеня мы зможам саткаць эталон – дакладную копію аднаго з паясоў, што захоўваецца ў Цэнтры даследвання беларускай культуры, мовы і літаратуры НАН Рэспублікі Беларусь», - распавядае адзін з самых аўтарытэтных спецыялістаў лёгкай прамысловасці Галіна Казарноўская.

У Віцебску адбылося адкрыццё мемарыяльнай дошкі і выставы, прысвечаных славутаму вучонаму, аднаму з заснавальнікаў Беларускай акадэміі навук і арганізатараў масавага краязнаўчага руху ў краіне Мікалаю Каспяровічу.