У Мінску прайшла адкрытая лекцыя аб ролі балотаў у клімаце. Мерапрыемства "Балоты і клімат" было зарганізаванае таварыствам "Зялёная сетка", грамадскай арганізацыяй "Ахова птушак Бацькаўшчыны", грамадскім аб'яднаннем "Экадом" і інфа-цэнтрам "Эка-інфа" НАН Беларусі. Прысутным пашэнціла паслухаць выступ аднаго з лепшых спецыялістаў у краіне па кліматычных зменах, доктара геаграфічных навук, акадэміка Уладзіміра Фёдаравіча Логінава. Тэму ўплыву балотных тэрыторый на кліматычныя змены працягнула Ганна Андрэеўна Чувашова, спецыяліст-эколаг ГА "Ахова птушак Бацькаўшчыны", аспірант НПЦ па біярэсурсам НАН РБ. (+аудиоматериалы)

Усебеларуская грамадская кампанія "У ахову беларускіх балотаў" працягвае сваю асветніцкую дзейнасць. У пятніцу 15-га лютага ў Цэнтральнай навуковай бібліятэцы НАН РБ арганізатары віталі ўсіх зацікаўленых у гістарычным мінулым Беларусі. Мерапрыемства пад шыльдай "Балотная археалогія" сабрала больш за дваццаць аматараў даўніны, эколагаў, журналістаў, архітэктараў, гісторыкаў, сярод якіх старэйшы навуковы супрацоўнік Інстытута гісторыі НАН Беларусі Мікола Крывальцэвіч, кандыдат гістарычных навук, археолаг Максім Чарняўскі, Адмыслоўцы па сакральнай геаграфіі кандыдат гістарычных навук Людміла Дучыц і публіцыст Ірына Клімковіч.