Навукоўцы плануюць рэалізаваць шэраг маштабных праектаў. На працягу 2015—2021 гадоў беларускія навукоўцы маюць намер рэалізаваць у нацыянальным навукова- тэхналагічным парку «БелБіяград» каля 200 праектаў. Па словах дырэктара ДНУ «Інстытут мікрабіялогіі» НАН Беларусі Эміліі Каламіец побач з Паркам высокіх тэхналогій, размешчана досыць шмат навуковых устаноў, якія стануць базай для стварэння «БелБіяград».

Ветэрынарныя службы Расіі вярнулі пастаўшчыку ААТ "Белрыба" больш за 15 тон ікры. Беларускае прадпрыемства не пагадзілася за такім паваротам і заявіла пра гатоўнасць да новых лабараторных выпрабаванняў: Матэрыялы з партыі, па якой узніклі пытанні ў Рассельгаснагляду, накіраваны на аналіз ДНК у Інстытут генэтыкі і цыталогіі НАН Беларусі.

Ужо не першы год Студэнцкае этнаграфічнае таварыства і Дзяржаўны літаратурны музей Янкі Купалы ў Вязынцы, запрашаючы ўсіх ахвотных узяць удзел у свяце Гукання вясны. Як расказвае аспірантка НАН Алена Ляшкевіч асноўныя элементы гукання вясны — песні-вяснянкі, такі «ўплыў» напрыроду голасам.

Многія краіны і гарады даўно ўжо абзавяліся так званымі «залатымі коламі». Нарэшце з´явілася сваё «кола» і ў Мінска, і па ім сярод першых праехала карэспандэнт «Звязды». Апошні пункт кола — мястэчка Прылукі. Палац у Прылуках звязваюць з пачаткам беларускага кінематографа, бо менавіта тут у 1926 годзе Юрый Тарыч здымаў, як прынята лічыць, першы беларускі фільм «Лясная быль». Падчас Вялікай Айчыннай вайны палац быў адной з рэзідэнцый гаўляйтара Беларусі Вільгельма фон Кубэ. Пры адыходзе адсюль немцы падпалілі будынак, і ўсё ўнутры выгарала. Пасля вайны яго аднавілі і размясцілі ў ім лабараторыю па барацьбе з каларадскім жуком. Пазней на яе базе быў створаны інстытут абароны раслін, які і цяпер месціцца ў будынку былой сядзібы.

Пры слове «навуковец» з´яўляецца асацыяцыя з сівавалосым мужчынам сталага веку, з барадой, у вялікіх акулярах і з партфелем. Але маладыя сацыёлагі Кацярына Палхоўская і Ігар Мальчонкаў ушчэнт ламаюць стэрэатыпы. Гутарка з імі пра навуку і праблемы маладых навукоўцаў.

Магчымасць пазнаёміцца з артэфактамі, якія расказваюць пра беларускую дыяспару за мяжой, зноў з´явілася ў Мінску. У Інстытуце культуры Беларусі пачала працу выстаўка «Беларусы ў свеце», падрыхтаваная сумесна з Нацыянальным гістарычным музеем. Калекцыя выставы раней належала рэспубліканскаму навукова-асветніцкаму цэнтру імя Францыска Скарыны, які ўзначальваў Адам Мальдзіс. Сам ганаровы старшыня Міжнароднай асацыяцыі беларусістаў, супрацоўнік Інбелкульта Адам Мальдзіс адзначыў: «Адкрыццё выставы — заключны акорд ІV з´езда беларусаў свету. Сёлета адзначаецца 20-годдзе першага з´езда, а таксама і 20-годдзе нашага музея».

У Мінску прадставілі невядомыя старонкі тэатральнай гісторыі Беларусі: у Цэнтральнай навуковай бібліятэцы імя Я. Коласа НАН Беларусі адбылася прэзентацыя манаграфіі польскага тэатразнаўца Збігнева Ендрыхоўскага "Гродзенскія тэатры 1784—1864".