Колькі тыдняў таму ў Маскве былі падведзеныя вынікі чарговага міжнароднага конкурсу «Навуковая кніга-2013» на лепшы навукова-выдавецкі праект. Выдавецкі дом «Беларуская навука» стаў пераможцам у трох намінацыях з пяці. У намінацыі «Навука пра кнігу» адзначана сумесная праца Цэнтральнай навуковай бібліятэкі імя Якуба Коласа НАН Беларусі і Выдавецкага дома «Беларуская навука» - кніга «Бібліятэка Радзівілаў Нясвіжскай ардынацыі: каталог выданняў з фонду Цэнтральнай навуковай бібліятэкі імя Якуба Коласа НАН Беларусі, XVI стагоддзе». Пра іншыя здабыткі гэтага года, адметнасці працы выдавецтва, а таксама планы на будучыню – гутарка з дырэктарам «Беларускай навукі» Аляксандрам Сташкевічам.