Памяці вучонага :: БУРАКОЎ Віктар Сямёнавіч

— Нарадзіўся ў в. Забалоцце, Ушацкага р-на, Віцебскай вобл.
— Закончыў Белдзяржуніверсітэт (1955).
— З 1955 г. у Інстытуце фізікі АН БССР: навуковы супрацоўнік, з 1969 г. намеснік дырэктара па навуковай рабоце, адначасова з 1977 г. загадчык лабараторыі. У 1983 – 1987 гг. дырэктар Вопытна-вытворчага прадпрыемства па вырабу ўнікальных фізічных прыбораў і абсталявання АН СССР (Мінск).
— З 1987 г. загадчык лабараторыі Інстытута фізікі, адначасова ў 1989 – 1992 гг. член Прэзідыума АН Беларусі. У 1992 – 1997 гг. акадэмік-сакратар Аддзялення фізікі, матэматыкі і інфарматыкі, адначасова з 1992 – 1993 гг. дырэктар-арганізатар, з 1992 г. загадчык лабараторыі Інстытута малекулярнай і атамнай фізікі, у 1997 – 2002 гг. саветнік Прэзідыума Нацыянальнай АН Беларусі.
— З 2003 г. галоўны навуковы супрацоўнік Інстытута малекулярнай і атамнай фізікі НАН Беларусі, з 2007 г. галоўны навуковы супрацоўнік Інстытута фізікі імя Б.І. Сцяпанава НАН Беларусі.
— З 1992 - акадэмік-сакратар Аддзялення фізікі, матэматыкі і інфарматыкі і адначасова ў 1992-1993 - дырэктар-арганізатар Інстытута малекулярнай і атамнай фізікі АН Беларусі (з 1997 - НАН Беларусі), у 1992-1997, 2002-2003 - загадчык лабараторыі, з 2003 - галоўны навуковы супрацоўнік інстытута.
— У 1997-2002 - саветнік Прэзідыума НАН Беларусі.
— З 2007 - галоўны навуковы супрацоўнік Інстытута фізікі ім. Б. І. Сцяпанава НАН Беларусі.

Работы па квантавай электроніцы і спектраскапіі плазмы. Распрацаваў метады вывучэння параметраў лазераў, павышэння іх к.к.д., атрымаў спецыяльныя рэжымы іх работы для мэт спектраскапіі плазмы; высветліў працэсы ўзаемадзеяння магутнага лазернага выпраменьвання з нізкатэмпературнай плазмай, прыроду назіраемых пры гэтым нелінейных эфектаў; развіў метады ўнутрырэзанатарнай спектраскапіі і пашырыў галіны яе прымянення. Сумесна з Фізіка-тэхнічным інстытутам імя А.Ф.Іофе АН СССР даследаваў высокатэмпературную плазму ў устаноўках “Токамак” метадам рэзананснай лазернай флюарэсцэнцыі. Ажыццявіў распрацоўку новых метадаў спектральнага аналізу і іх укараненне на прадпрыемствах рэспублікі.

Аўтар больш за 400 навуковых прац, 11 аўтарскіх пасведчанняў і патэнтаў.

Узнагароджаны ордэнамі Працоўнага Чырвонага Сцяга (1976), Айчыны III ступені (1999 г.), медалём.

Асноўныя працы:

Практическое руководство по спектральному анализу. Минск, 1960; Oxford, 1964 (в соавт.);
Физика плазмы и плазменные технологии в Беларуси. Минск, 2001 (в соавт.);
Time-resolved spectroscopy and imaging diagnostics of single pulse and collinear double pulse laser induced plasma from a glass sample // Specrochim. Acta, Part В. 2008. Vol. 63, N 1 (в соавт.);
Комбинированный газожидкостный источник плазмы для синтеза наночастиц // Журн. приклад. спектроскопии. 2016. Т. 83, № 4 (в соавт.).