4-5 кастрычніка ў Інстытуце мовазнаўства імя Якуба Коласа Цэнтра даследванняў беларускай культуры, мовы і літаратуы НАН Беларусі адбылася сумесная з Інстытутам славістыкі Польскай акадэміі навук Міжнародная навуковая канферэнцыя "Беларуска-польскія культурна-моўныя ўзаемаадносіны: ад гісторыі да сучаснасці". Быў выказаны шэраг канкрэтных прапаноў адносна далейшага навуковага супрацоўніцтва, напрыклад, стварэнне каталога польскамоўных рукапісаў і рэдкіх выданняў, якія захоўваюцца ў Нацыянальнай бібліятэцы Беларусі і Цэнтральнай навуковай бібліятэцы НАН Беларусі.