Сёлета ў кастрычніку адбыліся Х Карэліцкія краязнаўчыя чытанні «Славутыя роды Карэліччыны», арганізаваныя Інстытутам гісторыі Нацыянальнай акадэміі навук Беларусі і Карэліцкім раённым выканаўчым камітэтам. З прывітальным словам да ўдзельнікаў чытанняў звярнуліся намеснік старшыні Карэліцкага райвыканкама Р. Абрамчык і выконваючы абавязкі дырэктара па навуковай частцы Інстытута гісторыі НАН Беларусі В. Лакіза.