У Цэнтральнай навуковай бібліятэцы НАН Беларусі адбылася прэзентацыя кнігі "Скідзель і яго ваколіцы. Жывая гісторыя" Сяргея Токця і Мікалая Дзелянкоўскага. Да імпрэзы супрацоўнікі аддзела рэдкіх кніг і рукапісаў бібліятэкі падрыхтавалі выстаўку "Скідзель: ад мінулага да сучаснага", дзе былі прадстаўлены манаграфіі, перыядычныя выданні, мемуарная літаратура, матэрыялы з фондаў беларускіх архіваў і іншыя сведчанні даўніны.