6-7 верасня Ліда як сапраўдная шчырая гаспадыня прыме гасцей з усёй Беларусі на ўрачыстых мерапрыемствах, прысвечаных Дню беларускага пісьменства. 6 верасня з раніцы ў Лідскім гісторыка-мастацкім музеі адкрыецца Рэспубліканская навукова-практычная канферэнцыя “Лідскія чытанні – 2025”, якую разам з супрацоўнікамі мясцовага музея арганізавалі Нацыянальная акадэмія навук Беларусі, Цэнтр даследаванняў беларускай культуры, мовы і літаратуры, Інстытут мовазнаўства імя Якуба Коласа.