Выхад у свет двухтомніка "Поэзия русского слова: антология современной русскоязычной поэзии Беларуси" можна лічыць можна лічыць з'явай рэдкаснай і ўнікальнай. Прэзентацыя анталогіі прайшла ў Цэнтральнай навуковай бібліятэцы НАН Беларусі.

Малодшы сын Якуба Коласа Міхась Канстанцінавіч не раз чытаў вершы бацькі і сваім дзецям-унукам-праўнукам, і чужым. Гучалі яны і на адной з творчых сустрэч у музеі класіка, прычым у голасе Міхася Канстанцінавіча было столькі душэўнага цяпла, што яно лёгка перадавалася слухачам — разам з яркай карцінай іх утульнага сямейнага побыту. Міхась Канстанцінавіч распавядае пра сваіх бацькоў і ўласную працу ў Нацыянальнай акадэміі навук Беларусі.