У дзень памяці Песняра экскурсію па яго “мінскіх адрасах” правялі супрацоўнікі Літаратурна-мемарыяльнага музея пісьменніка. Экскурсія праходзіла па мясцінах у Мінску, якія звязаны з яго імем, у тым ліку Нацыянальная акадэмія навук Беларусі, дзе Якуб Колас працаваў больш за трыццаць гадоў, займаў пасаду віцэ-прэзідэнта. Дзейнасць знакамітага пісьменніка, яго роля і значэнне ў нацыянальным духоўным адраджэнні беларусаў высока ацэнены нашчадкамі. Імя Коласа носяць Інстытут мовы і літаратуры і Цэнтральная навуковая бібліятэка Нацыянальнай акаднавук Беларусі.