Ганаровымі членамі Нацыянальнай акадэміі навук Беларусі абіраюцца грамадзяне Рэспублікі Беларусь, якія ўнеслі вялікі ўклад у развіццё нацыянальнай эканомікі, культуры, адукацыі і дзяржаўнага будаўніцтва Рэспублікі Беларусь. Замежнымі членамі Нацыянальнай акадэміі навук Беларусі выбіраюцца замежныя вучоныя, якія ўнеслі буйны ўклад у развіццё сусветнай навукі. Ганаровыя і замежныя члены НАН Беларусі з'яўляюцца членамі аднаго з аддзяленняў Акадэміі навук у адпаведнасці са спецыяльнасцю, па якой яны абраныя.

Ганаровыя і замежныя члены НАН Беларусі маюць права ўдзельнічаць у агульнаакадэмічных навуковых і навукова-арганізацыйных мерапрыемствах, прымаць удзел у рабоце Агульнага сходу Акадэміі навук і агульных сходаў яе аддзяленняў з правам дарадчага голасу, Атрымліваць інфармацыю аб дзейнасці Акадэміі навук у парадку, устаноўленым Прэзідыумам НАН Беларусі, на падставе асабістай заявы добраахвотна складаць з сябе паўнамоцтвы ганаровага або замежнага члена Акадэміі навук і выходзіць з яе складу.