18–24 ліпеня 2021 года дзяржаўная навуковая ўстанова «Інстытут эксперыментальнай батанікі імя В. Ф. Купрэвіча Нацыянальнай акадэміі навук Беларусі» праводзіць Маладзёжную летнюю школу па лясной фітацэналогіі «SYLVAN-2021» на тэрыторыі Нацыянальнага парку «Белавежская пушча» на базе эколага-асветніцкага цэнтра ў в. Войтаў Мост.

Мэта правядзення летняй школы – азнаямленне студэнтаў і магістрантаў біялагічных і лесагаспадарчых спецыяльнасцей з рознымі метадамі даследавання лясных экасістэм, абмен вопытам вядучых спецыялістаў у галіне лясной фітацэналогіі і дэндрахраналогіі з маладымі вучонымі, пашырэнне сувязей паміж Нацыянальнай акадэміяй навук і ВНУ Беларусі.

Праграма летняй школы прадугледжвае правядзенне ўдзельнікамі палявых і камеральных даследаванняў пад кіраўніцтвам спецыялістаў, прадастаўленне вынікаў даследаванняў і даклады вядучых вучоных па напрамках:
- структура і дынаміка дрэвастояў;
- дэндрахраналогія;
- агульная лясная геабатаніка;
- геабатанічнае прафіляванне;
- структура і біяразнастайнасць мёртвай драўніны.

Вынікамі работы летняй школы павінны стаць:
- - павышэнне матывацыі студэнтаў і магістрантаў да навуковай дзейнасці;
- абмен вопытам вядучых вучоных у галіне лясной фітацэналогіі і дэндрахраналогіі з маладымі спецыялістамі;
- развіццё сувязей паміж навуковымі і адукацыйнымі ўстановамі ў галіне біялогіі і лясной гаспадаркі.

Для ўдзелу ў рабоце семінара зарэгістраваліся 16 чалавек з 8 навукова-даследчых устаноў, вышэйшых навучальных устаноў Беларусі і Расіі.

Месца правядзення: НП «Белавежская пушча» (в. Войтаў Мост, Свіслацкі р-н Гродзенскай вобл., Рэспубліка Беларусь).