У Мінску адкрыўся XVIII Міжнародны форум па цепламасаабмене
У сталіцы Беларусі стартаваў буйны навуковы форум, прысвечаны актуальным пытанням цепламасаабмену. На працягу некалькіх дзён каля трохсот вядучых спецыялістаў з Беларусі, Расіі, Казахстана, Ізраіля і Кітая будуць абменьвацца вопытам і вынікамі сваіх даследаванняў.
Адкрываючы мерапрыемства, намеснік Старшыні Прэзідыума НАН Беларусі Сяргей Шчарбакоў акцэнтаваў увагу на практычнай значнасці форуму. Паводле яго слоў, галоўная мэта навукоўцаў – выяўляць і развіваць тыя напрамкі даследаванняў, якія могуць прынесці адчувальную карысць эканоміцы краіны.
«Мы павінны засяродзіцца на перадавых навуковых распрацоўках, якія не толькі адпавядаюць апошнім тэндэнцыям у навуцы, але і запатрабаваныя практыкай народнай гаспадаркi і падтрыманы на ўзроўні кіраўніцтва», – адзначыў Сяргей Шчарбакоў. У якасці прыкладаў такіх перспектыўных напрамкаў ён прывёў распрацоўку цеплаабменнікаў для аб'ектаў адказнага прызначэння і даследаванні, звязаныя з касмічнай галіной.
XVIII Міжнародны форум па цепламасаабмене, які праходзіць з 18 па 21 мая, – гэта ўнікальная пляцоўка для абмену ведамі, абмеркавання актуальных праблем і пошуку новых рашэнняў у адной з ключавых галін навукі і тэхнікі.
