24-25 верасня 2015 г. Інстытут эксперыментальнай батанікі НАН Беларусі сумесна з Беларускім батанічным таварыствам і Дзяржаўнай прыродаахоўнай установай “Рэспубліканскі ландшафтны заказнік” “Ельня” "праводзіць II Міжнародны навуковы семінар “Расліннасць балот: сучасныя праблемы класіфікацыі, картаграфавання, выкарыстання і аховы”.

Для ўдзелу ў семінары прадстаўлена 43 даклады 93 аўтараў з Беларусі, Расіі, Украіны і Літвы з 32 арганізацый навукі, аховы прыроды і адукацыі. Падчас працы семінара плануецца абмеркаваць вынікі даследаванняў біяразнастайнасці балот, разгледзець актуальныя пытанні класіфікацыі і картаграфавання расліннасці, маніторынгу і аховы балот.

Адкрыццё семінара - 24 верасня 2015 года ў 10.00.

Другі дзень семінара плануецца правесці на базе Дзяржаўнай прыродаахоўнай установы “Рэспубліканскі ландшафтны заказнік “Ельня” з наведваннем балот.

Месца правядзення:

24 верасня - ДНУ “Інстытут эксперыментальнай батанікі імя В.Ф.Купрэвіча НАН Беларусі” (г. Мінск, вул. Акадэмічная, 27. Зала пасяджэнняў, п. 141);

25 верасня - ДПУ “Рэспубліканскі ландшафтны заказнік “Ельня” "(Віцебская вобласць, г. Мёры, вул. Кірава, 4а. Экалагічны візіт-цэнтр заказніка).