Як паведаміў намеснік старшыні Прэзідыума Нацыянальнай акадэміі навук Беларусі Сяргей Кілін перад пачаткам пасяджэння, беларускія вучоныя абмяркоўваюць магчымасць удзелу ў новых праектах на Вялікім адронным калайдары.
”Нам важна ўбачыць новыя праекты, у якіх Беларусь можа ўдзельнічаць не толькі з навуковага, але і тэхналагічнага боку. Для нашых вучоных гэта новыя праекты не толькі ў АІЯД, але і ў Еўрапейскай арганізацыі па ядзерных даследаваннях (ЦЕРН). Прадстаўнікі ЦЕРН, якія таксама прыехалі ў Мінск, будуць абмяркоўваць новыя праекты на Вялікім адронным калайдары”, - адзначыў Сяргей Кілін. Паводле яго слоў, беларуская навука працуе па некалькіх напрамках: фізіка высокіх энергій, фізіка цвёрдага цела, уключаючы элементы мікраэлектронікі, і нанатэхналогіі.
У сваю чаргу дырэктар АІЯД, акадэмік Расійскай акадэміі навук (РАН), член Прэзідыума РАН Віктар Мацвееў адзначыў, што супрацоўніцтва паміж інстытутам і беларускімі навукоўцамі заўсёды развівалася дынамічна. Напрыклад, сумесна з ЦЕРН была створана ўнікальная ўстаноўка, дзе, у прыватнасці, быў адкрыты базон Хігса. “Уклад беларускіх вучоных і інжынераў велізарны, для буйных установак імі створаны элементы, якія вызначалі поспех усяго эксперыменту”, - падсумаваў ён.
