19 мая 2016 года па запрашэнні беларускага боку НАН Беларусі наведала дэлегацыя Акадэміі аграрных навук правінцыі Цзілінь Кітайскай Народнай Рэспублікі на чале з Прэзідэнтам акадэміі У Сінь Хунам. У ходзе візіту госці азнаёміліся з экспазіцыяй пастаянна дзеючай выставы НАН Беларусі “Дасягненні айчыннай навукі – вытворчасці”, а таксама правялі перагаворы з кіраўніцтвам НАН Беларусі аб магчымасцях і механізмах развіцця супрацоўніцтва ў галіне сельскай гаспадаркі на аснове падпісанага ў кастрычніку 2015 года пагаднення паміж НАН Беларусі і Акадэміяй аграрных навук правінцыі Цзілінь.

У ходзе перагавораў Старшыня Прэзідыума НАН Беларусі У.Р. Гусакоў адзначыў неабходнасць “перайсці ў двухбаковых адносінах на ўзровень узаемадзеяння непасрэдна паміж інстытутамі і навуковымі супрацоўнікамі напрамую”, намеціць і рэалізоўваць канкрэтныя навукова-вытворчыя праекты, а таксама прапанаваў навуковым супрацоўнікам і студэнтам з КНР праходзіць навучанне і стажыроўку на базе НАН Беларусі.

У сваю чаргу дэлегацыя Акадэміі аграрных навук правінцыі Цзілінь адзначыла зацікаўленасць у распрацоўках НАН Беларусі ў галіне сельскагаспадарчай тэхнікі і функцыянальнага харчавання для дзяцей і пажылых людзей.

20-21 мая візіт працягнецца наведваннем НПЦ НАН Беларусі па жывёлагадоўлі, НПЦ НАН Беларусі па земляробстве, НПЦ НАН Беларусі па харчаванні, РУП “Інстытут мяса-малочнай прамысловасці” і культурнай праграмай.

Фота М. Куксачоў і М. Гулякевіч