Плануецца, што стварэнне на базе НАН Беларусі МАЦ ICRANet-Мінск пашырыць магчымасці для ўваходжання беларускіх вучоных у новыя міжнародныя праграмы і калабарацыі, удзелу ў конкурсах на атрыманне міжнародных грантаў, абмену навуковымі супрацоўнікамі з радам цэнтраў у Еўропе і Амерыцы, якія ўваходзяць у ICRANet. Акрамя таго, адкрыццё цэнтра дазволіць выкарыстаць у Беларусі еўрапейскую праграму IRAP-PhD падрыхтоўкі аспірантаў і абмену студэнтамі з вядучымі еўрапейскімі ўніверсітэтамі.
Спадар Руфіні выказаў высокую зацікаўленасць у пашырэнні міжнароднага навуковага супрацоўніцтва з беларускімі вучонымі і адзначыў, што ў Беларусі даўно існуе і развіваецца магутная навуковая школа, а даследаванні, што праводзяцца беларускімі вучонымі, добра вядомыя ў сусветнай навуковай супольнасці. Менавіта таму ў Беларусь паступіла адпаведная прапанова аб супрацоўніцтве.
У сваю чаргу намеснік Старшыні Прэзідыума НАН Беларусі Сяргей Кілін адзначыў поспехі беларускіх вучоных у галіне лазерных сістэм, оптыкі, распрацоўкі і вырабу асабліва дакладных люстраў, якія знойдуць прымяненне ў цэнтры, што ставараецца, і змогуць паслужыць для далейшай іх камерцыялізацыі.
Таксама Рэмо Руфіні наведаў Музей гісторыі НАН Беларусі, дзе пакінуў запіс у кнізе Ганаровых гасцей.
