Праект ERA-NET Cofund Electric Mobility Europe, які праходзіць у рамках праграмы HORIZON 2020, аб’яўляе конкурс Call 2016. Праект ERA-NET накіраваны на каардынацыю навуковых даследаванняў, перш за ўсё, краін Еўрапейскага Саюза з мэтай атрымання максімальна эфектыўных «прарыўных» інавацыйных распрацовак з мінімальнымі выдаткамі, прыцягваючы да іх найбольш падрыхтаваныя і канкурэнтаздольныя калектывы з розных краін. Конкурс Call 2016 мае 2 этапы: кароткія рэзюмэ праекта і поўная заяўка. Прыём кароткіх заявак - да 6 лютага 2016 года.

Тэматыка конкурсу ўключае пяць ключавых абласцей:
1. Сістэмная інтэграцыя (транспарт, гарадскія / прыгарадныя раёны);
2. Інтэграцыя лагістыкі гарадскіх грузавых і пасажырскіх перавозак у е-мабільнасць;
3. Канцэпцыі разумнай мабільнасці і дадатку ІКТ;
4. Грамадскі транспарт;
6. Паводзіны спажыўцоў і тэндэнцыі ў грамадстве.

Заяўнікамі могуць быць выканаўцы нацыянальных навуковых праграм (ГПНІ, ДНТП і інш.) па тэматыцы конкурсу, дзяржаўным заказчыкам якіх з’яўляецца Нацыянальная акадэмія навук Беларусі.

У выпадку поспеху пададзенага на конкурс праекта, забяспечанага нацыянальным фінансаваннем, ён атрымлівае дадатковае фінансаванне (да 33%) ад Еўракамісіі. Тэрмін выканання праекта - да 3 гадоў.

У мэтах эфектыўнага фарміравання міжнародных кансорцыумаў 25 лістапада 2016 г. у г. Брусель (Бельгія) будзе арганізавана Біржа ідэй праектаў, дзе ўдзельнікі змогуць абмяняцца назапашаным вопытам і выпрацаваць агульную платформу для далейшай працы. Азнаёміцца з праграмай мерапрыемства можна па спасылцы.

Для ўдзелу неабходна зарэгістравацца на сайце www.electricmobilityeurope.eu, дзе размешчана поўная інфармацыя аб праекце ERA-NET Cofund Electric Mobility Europe і конкурсе Сall 2016.

Правілы для падачы заявак на конкурс (на англ. мове)