Конкурс праводзіцца ў мэтах: рэалізацыі мер па прыцягненні і замацаванні таленавітай моладзі ў навуковай, навукова-тэхнічнай і інавацыйнай сферах; стварэння маладзёжных навукова-даследчых груп і амаладжэння кадравага складу навуковых арганізацый; забеспячэння пераемнасці паміж вучонымі розных пакаленняў.
Да ўдзелу ў конкурсе дапускаюцца кандыдаты навук ва ўзросце да 30 гадоў і доктары навук ва ўзросце да 40 гадоў на 1 студзеня 2019 г., якія працуюць у арганізацыях НАН Беларусі. Лаўрэаты конкурсу ўключаюцца ў банк даных "100 талентаў Нацыянальнай акадэміі навук Беларусі» (з выдачай адпаведнага сертыфіката) і ў рэзерв кіруючых кадраў НАН Беларусі. Акрамя таго, яны атрымліваюць аднаразовы грант на ўдзел у міжнародным навуковым мерапрыемстве на працягу аднаго каляндарнага года з моманту абвяшчэння вынікаў конкурсу, а таксама прэміруюцца ў адпаведнасці з Палажэннем аб конкурсе.
З патрабаваннямі, што прад'яўляюцца да ўдзельнікаў, і ўмовамі конкурсу можна азнаёміцца ў Палажэнні аб конкурсе 100 талентаў Нацыянальнай акадэміі навук Беларусі.
Удзельнікі конкурсу накіроўваюць камплект дакументаў, названы ў пункце 5 Палажэння, да 30 кастрычніка 2018 года ў конкурсныя камісіі пры аддзяленнях НАН Беларусі з улікам галіны (напрамку) навуковай дзейнасці ўдзельніка па адрасе: 220072, г. Мінск, пр. Незалежнасці, 66.