Нацыянальная акадэмія навук Беларусі

06.11.2018

У Нацыянальным прэс-цэнтры адбылася прэс-канферэнцыя, прысвечаная юбілейным мерапрыемствам НАН Беларусі

6 лістапада 2018 года ў Нацыянальным прэс-цэнтры Рэспублікі Беларусь прайшла прэс-канферэнцыя “Аб падрыхтоўцы і правядзенні святкавання 90-годдзя Нацыянальнай акадэміі навук Беларусі”. Перад прадстаўнікамі сродкаў масавай інфармацыі выступілі: Старшыня Прэзідыума НАН Беларусі Уладзімір Гусакоў, генеральны дырэктар ДНВА “Оптыка, оптаэлектроніка і лазерная тэхніка”, дырэктар ДНУ “Інстытут фізікі імя Б.І. Сцяпанава НАН Беларусі” Мікалай Казак, старшыня Савета маладых вучоных НАН Беларусі, намеснік дырэктара па навуковай рабоце ДНУ “Інстытут агульнай і неарганічнай хіміі НАН Беларусі” Андрэй Іванец.

Уладзімір Гусакоў азнаёміў журналістаў з гісторыяй стварэння і развіцця НАН Беларусі, а таксама з сучаснымі дасягненнямі арганізацый, якія ўваходзяць у структуру акадэміі, кадравым складам і навуковым патэнцыялам.

Мікалай Казак расказаў аб распрацоўках беларускіх фізікаў у галіне паўправаднікоў, лазераў, фотадыёдаў, метаматэрыялаў, вырошчвання гетэрагенных структур, а таксама аб міжнародным супрацоўніцтве і новых напрамках работ па хуткім дэтэктаванні вірусаў, 3D-друку, кандэнсатараў і інш.

Андрэй Іванец даў уяўленне аб дзейнасці Савета маладых вучоных НАН Беларусі, падтрымцы маладых спецыялістаў, а таксама пра найбольш буйныя навуковыя і грамадскія мерапрыемствы, якія былі праведзены пры ўдзеле СМВ.

Таксама прадстаўнікі НАН Беларусі коратка азнаёмілі журналістаў з праграмай правядзення ўрачыстых мерапрыемстваў, прысвечаных 90-годдзю НАН Беларусі, якія пройдуць 15-16 лістапада 2018 года.