Нацыянальная акадэмія навук Беларусі

09.01.2019

Аб’яўлены другі конкурс па марскіх і водных тэхналогіях у рамках праекта ЕС ERA-NET Cofund MarTERA

Праект ERA-NET Cofund “Maritime and Marine Technologies for a New ERA” (2016 - 2021, www.martera.eu), які ўключае 18 міністэрстваў і арганізацый (у тым ліку Нацыянальную акадэмію навук Беларусі) з 16 краін. Праекты тыпу ERA-NET Cofund накіраваны на каардынацыю навуковых праграм краін ЕС і зацікаўленых трэціх краін і сумеснае фінансаванне Еўрапейскай камісіяй і краінамі – удзельнікамі праекта даследаванняў і распрацовак па яго тэматыцы.

Другі конкурс у рамках ERA-NET Cofund Maritime and Marine Technologies for a New ERA аб’яўлены 21 снежня 2018 г., ён ахоплівае пяць ключавых галін:

1. Экалагічна чыстыя марскія тэхналогіі 2. Распрацоўка новых матэрыялаў і збудаванняў 3. Сэнсары, аўтаматызацыя, маніторынг і назіранні 4. Сучасная вытворчасць 5. Бяспека

Да ўдзелу ў ім запрашаюцца арганізацыі Рэспублікі Беларусь, якія ўдзельнічаюць у нацыянальных праграмах па тэматыцы конкурсу.

У мэтах эфектыўнага фарміравання міжнародных кансорцыумаў 13 лютага 2019 г. у г. Люсакер (Нарвегія) будзе арганізавана Біржа ідэй праектаў, дзе ўдзельнікі змогуць абмяняцца назапашаным вопытам і выпрацаваць агульную платформу для далейшай працы (https://www.martera.eu/events?event=MarTERA_Brokerage_Event_for_Call_2019).

Удзельнікам неабходна зарэгістравацца да 12 лютага 2019 года на сайце https://martera-brokerage-2019.b2match.io, дзе размешчана поўная інфармацыя аб Біржы ідэй праектаў, меркаваных для ўдзелу ў конкурсе Сall 2019 ERA-NET Cofund MarTERA.

Кантактная асоба: Наталля Сцяпанаўна Янкевіч, нацыянальная кантактная кропка “Транспарт” праграмы “Гарызонт 2020”, НАН Беларусі, тэл. +375 17 294 92 65, email: lab_12@tut.by