У рамках XХIII Міжнароднай спецыялізаванай выставы “СМІ ў Беларусі”, (2-4 мая 2019 г.) рэдакцыя часопіса “Навука і інавацыі” РУП “Выдавецкі дом “Беларуская навука” праводзіць семінар “Аўтарскае права ў СМІ: праблема рэгулявання”. У ходзе семінара слухачы азнаёмяцца з заканадаўчымі нормамі, якія рэгулююць праваадносіны рэдакцый сродкаў масавай інфармацыі з аўтарамі твораў, парадкам выкарыстання мер і сродкаў для арганізацыі абароны правоў аўтараў і праваўладальнікаў на ствараемыя і выкарыстоўваемыя ў сродках масавай інфармацыі аб’екты аўтарскага права.

Семінар праводзіць спецыяліст у галіне аўтарскага права Сяргей Сяргеевіч Лосеў, вядучы навуковы супрацоўнік аддзела даследаванняў у галіне грамадзянскага, экалагічнага і сацыяльнага права Нацыянальнага цэнтра заканадаўства і прававых даследаванняў Рэспублікі Беларусь.

Мерапрыемства адбудзецца ў выставачным комплексе 2 мая ў 14.30 па адрасе: Мінск, пр. Пераможцаў, 14, канферэнц-зала.

Уваход свабодны.