Мусіць, няма ніводнага кутка беларускай зямлі, які б не меў бы сваіх выдатных пісьменнікаў, таленавітых мастакоў слова, вучоных. Зямля Магілёўшчыны ўзгадавала братоў Гарэцкіх: беларускага пісьменніка Максіма Гарэцкага і беларускага вучонага - эканаміста, геолага, географа, дзяржаўнага дзеяча, акадэміка Акадэміі навук БССР - Гаўрылу Гарэцкага.

Гісторыя Курманаўскага вучэбна-педагагічнага комплексу «дзіцячы сад-сярэдняя школа» Мсціслаўскага раёна Магілёўскай вобласці. Гісторыя школы вядзецца ад першай школы граматы, якая знаходзілася ў 1903 годзе ў вёсцы Радзел. Радзельскае земскае вучылішча ў 1914 годзе закончылі вядомыя землякі: доктар геолага-мінералагічных навук, акадэмік АН БССР, заслужаны дзеяч навукі БССР, лаўрэат Дзяржаўных прэмій СССР і БССР Гаўрыла Іванавіч Гарэцкі і адзін з першаадкрывальнікаў радовішча нафты ў Беларусі Павел Іванавіч Зюзькевіч.