Чалавек-энцыклапедыя ды чалавек-аркестр, патрыярх сярод даследчыкаў – толькі малая частка эпітэтаў, якімі яго ўзнагароджвалі. Афіцыйна – Адам Мальдзіс, доктар філалагічных навук, прафесар, стваральнік навукова-асветніцкага цэнтра імя Ф. Скарыны, ганаровы старшыня Міжнароднай асацыяцыі беларусістаў, супрацоўнік колішняга Інстытута літаратуры Акадэміі навук, старшыня камісіі “Вяртанне” Беларускага фонду культуры, выдатны этнограф.