Аўтар публікацыі Андрэй Блінец звяртае ўвагу на недакладнасці ў артыкуле Леаніда Лыча "Ён родам з Сіняўкі", што прысвечаны жыццю і грамадскай дзейнасці Васіля Талстога. Найперш гэта датычыць даты нараджэння. Л. Лыч паведамляе, што Васіль Талстой нарадзіўся 12 студзеня 1928 г. Звесткі, хучэй за ўсё ўзяты з даведніка "Институт истории Национальной Академии Наук Беларуси в лицах. 1929-2008", там сапраўды ўказана: "Нарадзіўся 1928-01-12". Але складальнікі памыліліся. Насамрэч, В. Талстой нарадзіўся на месяц пазней. Гэта дата - "1928-02-12", "12 лютага 1928 года" неаднаразова ўказвалася ім самім у аўтабіяграфіях, лістках па ўліку кадраў складзеных у розныя часы, якія захоўваюцца ў асабістай справе.