Беларускія прадукты харчавання ўжо на працягу дзесяцігоддзяў славяцца высокай якасцю і натуральнымі інгрэдыентамі. Такая традыцыя склалася не толькі ўнутры краіны: любяць і чакаюць айчынную прадукцыю далёка за межамі Беларусі. Сёлета смак і якасць браслаўскай прадукцыі ацаніла і кампетэнтнае журы на конкурсе кансерваванай прадукцыі «Крыштальны яблык», які праводзіцца з 2008 года Навукова-практычным цэнтрам Нацыянальнай акадэміі навук Беларусі па харчаванні.