Больш за 700 беларускіх выслоўяў сабраў з дапамогай жыхаркі вёскі Гоцк Ульяны Ліхтар вучань Салігорскай гімназіі № 2 Цімафей Малахоўскі для сваёй даследчай працы, якая На II Міжнароднай маладзёжнай навукова-практычнай канферэнцыі “Навуковыя імкненні—2011” была прызнана самай лепшай. Прадмову да зборніка, які быў падрыхтаваны юным даследчыкам сумесна з яго настаўніцай Ліліяй Валчок, напісала супрацоўніца ДНУ “Інстытут мовы і літаратуры імя Якуба Коласа і Янкі Купалы Нацыянальнай акадэміі навук Беларусі” Таццяна Валодзіна.