Аляксандр Вашчанка — чалавек, апантаны садам. Садаводства вабіла яго яшчэ з дзіцячых гадоў. Свае першыя крокі ў гэтай справе ён рабіў у невялікім садзе ля бацькоўскай сядзібы. У студэнцкія гады Аляксандру Пятровічу пашчасціла пабываць у Інстытуце садаводства, агародніцтва і бульбаводства ў Самахвалавічах. Там ён даведаўся пра перспектыўныя гатункі яблынь і груш як айчыннай, так і замежнай селекцыі і... назаўсёды “захварэў невылечнай і прыгожай хваробай, якая завецца садаводствам”. У сваіх матэрыялах аўтар распавядае пра гісторыю садаводства (як сусветнага, так і беларускага).

Завітаўшы ў Цэнтральны батанічны сад НАН Беларусі ў мінулую суботу, можна было патрапіць на адкрыццё II штогадовага фестывалю лядовых і снегавых скульптур «Казачны сад».