Пад час сесіі Агульнага сходу НАН Беларусі 13 лістапада Міхаіл Нікіфараў быў абраны акадэмікам Нацыянальнай Акадэміі навук нашай краіны. Паспяховае станаўленне і дзейнасць грамадскай арганізацыі “Ахова птушак Беларусі” (АПБ) як мінімум у першае дзесяцігоддзе непарыўна звязаны з асобай М.Нікіфарава, які быў першым прэзідэнтам АПБ (на працягу двух тэрмінаў), а потым доўгі час чальцом Цэнтральнага Савету.

Павел Пінчук, Іван Багдановіч, Ірына Самусенка і Віктар Натыканец з лабараторыі арнталогіі НВЦ па біярэсурсах НАН Беларусі праводзілі на вадаёмах поўдня нашай краіны ўлікі вадаплаўных і каляводных птушак. 5 лістапада на Берасцейшчыне адбылася сустрэча групы арнітолагаў з новым для нашай фауны відам – арктычным пясочнікам (Calidris melanotos).