Для музейных работнікаў Міжнародны дзень музеяў, які адзначаецца 18 мая, – гэта своеасаблівае прафесійнае свята. "Бераставіцкая газета" з гэтай нагоды прапануе гутарку з дырэктарам дзяржаўнай установы культуры «Музей Вавёркі ў Вялікай Бераставіцы» Аляксандрам Галавачом. Адказваючы на пытанне, адкуль экспанаты трапляюць у музей, ён таксама адзначыў супрацоўніцтва з Інстытутам гісторыі Нацыянальнай акадэміі навук Беларусі. Па дамоўленасці з музеем археалогіі Акадэміі навук будуць дадаткова перададзены некаторыя археалагічныя экспанаты, знойдзеныя ў час раскопак у раёне.