Мікалай Уладзіміравіч Казаровец нарадзіўся і вырас у вёсцы Харкі Варапаеўскага пассавета. Ад навучэнца сельскага прафтэхвучылішча дарос да рэктара Беларускага дзяржаўнага аграрнага тэхнічнага ўніверсітэта. Прафесар, член-карэспандэнт Нацыянальнай акадэміі навук. Яго пяру належаць не адна сотня навуковых работ, дзясяткі манаграфій і вучэбна-метадычных дапаможнікаў. Зараз узначальвае Пастаянную камісію па адукацыі, навуцы, культуры і сацыяльным развіцці Савета Рэспублікі Нацыянальнага сходу Рэспублікі Беларусь. У інтэрв’ю ён адказаў на шэраг пытанняў пра сваю малую Радзіму, жыццёвы шлях і сваю працу.