Шлях 19-й Міжнароднай навукова-асветніцкай экспедыцыі "Дарога да Святыняў" з Благадатным Агнём ад Гроба Гасподняга, якая штогод праводзіцца напярэдадні Дня беларускага пісьменства, пралёг праз Багушэўск. Удзел у ёй па традыцыі бралі як вядомыя дзеячы культуры, навукі, асветы, літаратары, акцёры, так і духоўныя асобы Беларускай праваслаўнай царквы. Адзін з удзельнікаў мерапрыемства - Пётр Лысенка, вядомы археолаг, які займаўся раскопкамі старажытных Полацка, Бярэсця, доктар гістарычных навук, прафесар, супрацоўнік Інстытута гісторыі Нацыянальнай акадэміі навук Беларусі.