Пра пляжы на возеры Нарач, пра сітуацыю з цэркарыёзам размова з намеснікам генеральнага дырэктара Нацыянальнага парку “Нарачанскі” па навуковай рабоце Валерыем Люштыкам. «Калі на Нарачы пачалі змагацца з цэркарыёзам?» - «Трэба ведаць, што па дадзеных Нацыянальнай акадэміі навук каля 500 вадаёмаў у Беларусі маюць такую праблему. Але найчасцей пра яе чутна ў адносінах Нарачы. Чаму? Бо тут і адпачывальнікаў больш, і асаблівасць возера адбіваецца: каб паплаваць на глыбіні, трэба прайсці ў сярэднім каля 100 метраў».