Ці вернецца самы буйны драпежнік у Белавежскую пушчу? Увянчаецца поспехам спроба інтрадукцыі мядзведзя ў пушчу на гэты раз і ці будзе наогул зроблена такая спроба? Супрацоўнік Цэнтра па біярэсурсах НАН Беларусі, доктар біялагічных навук Вадзім Сідаровіч, які займаецца навуковай распрацоўкай праекта, лічыць, што пры дбайным навуковым падыходзе і наяўнасці добра падрыхтаваных кадраў рэінтрадукцыя мядзведзя можа аказацца паспяховай.