У кнізе-альбоме «Маляваныя сны Паўла Марціновіча» яе ўкладальнік, вядомы даследчык, мецэнат Анатоль Статкевіч-Чабаганаў прыводзіць цікавыя звесткі з жыцця таленавітага мастака, не абыходзячы і яго творчасці. А малодшы навуковы супрацоўнік Цэнтра даследванняў беларускай культуры, мовы і літаратуры НАН Беларусі Ірына Смірнова і загадчык арганізацыйна-творчага аддзела Любанскага цэнтра культуры Сяргей Выскварка ў артыкуле «Маляваныя дываны майстра з Засмужжа» дазваляюць лепш адчуць, што ж уяўляе сабой «маляваны рай» таленавітага народнага самародка.