Невядомы аўтограф Якуба Коласа знойдзены ў Музеі народнага пісьменніка Латвіі Андрэя Упіта. І Якуб Колас, і Андрэй Упіт — майстры літаратурнага слова, філосафы, якія тонка адчувалі псіхалогію герояў. І Колас, і Упіт актыўна займаліся грамадскай дзейнасцю: Якуб Колас быў дэпутатам Вярхоўных саветаў СССР і БССР, віцэ-прэзідэнтам Беларускай Акадэміі навук, членам СП БССР, членам камісіі па ўручэнні дзяржпрэмій па літаратуры.