Аналізуецца навуковая спадчына аднаго з заснавальнiкаў нацыянальнай школы беларускай кінакрытыкi Ефрасінні Бондаравай. Нагадваюцца і цікавыя факты - напрыклад, афіцыяльным апанентам навукоўцы на абароне доктарскай дысертацыі быў член-карэспандэнт НАН Беларусі І. Я. Навуменка.

Матэрыял прымеркаваны да векавога юбілею народнага мастака СССР і Беларусі, акадэміка Нацыянальнай акадэміі навук Беларусі і Расійскай акадэміі мастацтваў, Героя Беларусі Мiхаiла Андрэевіча Савiцкага. Невыпадкова публікацыя вызначаецца асаблівай цеплынёй і шчырасцю, шэрагам эксклюзіўных момантаў. Аўтару пашанцавала амаль на працягу двух дзесяцігоддзяў быць у цесным кантакте з Майстрам – у журналісцкім і чыста чалавечым.

Новае манаграфічнае даследванне кандыдата філалагічных навук, дацэнта, загадчыка аддзела ўзаемасувязей літаратур Інстытута мовы і літаратуры імя Якуба Коласа і Янкі Купалы НАН Беларусі Міколы Мікуліча «Максім Танк. Талент, заручаны з небам» уяўляе сабой сімбіёз біяграфічнага, літаратуразнаўчага і літаратурна-крытычнага, эпісталярнага і публіцыстычнага кампанентаў.