Як беларусы называюць святы? Пытанне гэта досыць актуальнае. Варта прыгадаць артыкулы дырэктара Інстытута мовы і літаратуры імя Якуба Коласа і Янкі Купалы Нацыянальнай акадэміі навук Беларусі Аляксандра Лукашанца і кандыдата філалагічных навук Алеся Каўруса, у якіх вядомыя мовазнаўцы разважаюць пра тое, як называць адно з галоўных хрысціянскіх свят, - Ражджаство, Раство, Божае Нараджэнне ці Нараджэнне Хрыстова? А можа, дакладней будзе Каляды? Падобныя анамасіялагічныя баталіі можна прадбачыць і ў дачыненні да іншых важных дзён у календары. Жнівеньскія святы не сталі выключэннем.