На навукова-эксперыментальнай базе “Журавінка” Цэнтральнага батанічнага сада Нацыянальнай акадэміі навук Беларусі прыступілі да ўборкі журавін. Ягады — гэта толькі пабочны прадукт дзейнасці базы. На ёй найперш вядзецца даследчая работа і развядзенне прыстасаваных для клімату Беларусі гатункаў ягадных культур. Кандыдат біялагічных навук Мікалай Паўлоўскі адказвае на пытанні, ці сапраўды лясныя ягады больш карысныя і чым яны адрозніваюцца ад спецыяльна выведзеных для прамысловай вытворчасці.