Размова з Эльжбетай Смулковай - першым паслом Рэспублікі Польшча ў нашай краіне пасля набыцця ёю незалежнасці ў 1991 годзе. «Вы памятаеце час, калі пачыналі свае даследаванні ў Беларусі, — якое тады, гадоў 50 таму, было стаўленне людзей да беларускай мовы ў параўнанні з цяперашнім днём?» — «Маё адчуванне залежыць ад асяроддзя, у якім я знаходжуся. Я пачынала сваю стажыроўку сярод моваведаў Акадэміі навук Беларусі. Мы тады паміж сабою толькі па-беларуску кантактавалі, а цяпер выкарыстоўваецца не толькі беларуская».