У Беларусі ўпершыню праходзіць буйнейшы навуковы форум - XV Міжнародны з´езд славістаў. Больш за 600 вучоных-славістаў з 35 краін свету сабраліся, каб абмеркаваць сучасныя накірункі развіцця мовы, літаратуры, фальклору і культуры. Старшыня Міжнароднага і Беларускага камітэтаў славістаў, член-карэспандэнт НАН Беларусі Аляксандр Лукашанец адзначыў, што ў XXI стагоддзі ўзмацняецца цікавасць да славянскіх народаў.