Адзіным беларускім савецкім ордэнам узнагароджваліся працоўныя і воінскія калектывы і грамадзяне Беларусі ў дваццатых - пачатку трыццатых гадоў мінулага стагоддзя. Сярод узнагароджаных ордэнам - акадэмік АН БССР Г. І. Гарэцкі, акадэмік АН БССР П. Я. Панкевіч.

Напярэдадні 70-годдзя Перамогі савецкага народа ў Вялікай Айчыннай вайне нельга не згадаць яе ўдзельнікаў, якія працавалі на філалагічным факультэце Беларускага дзяржаўнага ўніверсітэта. Сярод іх - Іван Якаўлевіч Навуменка, беларускі пісьменнік, літаратуразнаўца, акадэмік НАН Беларусі; Алесь Адамовіч, беларускі пісьменнік, крытык, член-карэспандэнт АН Беларусі.