Цяперашні год аб’яўлены ў нас Годам навукі. Галоўная мэта — павышэнне яе ролі ва ўсіх сферах жыцця краіны, фарміраванне міжнароднага іміджу Беларусі як краіны з высокім узроўнем інтэлектуальнага і чалавечага капіталу. Вялікія надзеі ўскладаюцца на новае пакаленне. У Нацыянальнай акадэміі навук Беларусі 2200 маладых навукоўцаў — гэта больш за чвэрць навуковых кадраў. Што неабходна зрабіць для таго, каб яны адчувалі сваю запатрабаванасць і працавалі з максімальнай аддачай? Дапамагчы ў гэтым пытанні павінен унікальны праект “Малады навуковец “пад ключ”, які Савет маладых навукоўцаў НАН пачне рэалізоўваць сёлета, распавядае старшыня савету Андрэй Іванец.