З нагоды ўшанавання памяці Аркадзя Куляшова аддзел маркетынгу Магілёўскай абласной бібліятэкі стварыў унікальны інтэрнэт-праект - віртуальны музей Аркадзя Куляшова "Сэрца, дзе ўсёй зямлі трывога". Ідэя стварэння абумоўлена яшчэ і тым, што да гэтага часу не выдадзены навукова каментаваны збор твораў пісьменніка. Яшчэ на пачатку 80-х гадоў у Інстытуце літаратуры НАН Беларусі была распачата праца па яго падрыхтоўцы, але па незалежных ад інстытута прычынах так і засталася незавершанай.